युवक राष्ट्रवादीने कोरोना काळात कोविड सेंटरमध्ये काम करणे, गरजूंना मदत करणे, पूरग्रस्तांना मदत पाठवणे, असे अनेक जनहितार्थ काम केले. सामाजिक कार्य करत असताना नवीन युवा वर्ग हे सर्व बघून राष्ट्रवादीकडे आकर्षित होत असून, पक्षामध्ये प्रवेश करत आहे. त्यामुळे राष्ट्रवादीची ताकद वाढू लागली आहे. नाशिक महानगरपालिका निवडणुकीस ६ महिने कालावधी असून, रात्रीचा दिवस करून काम करावे लागणार आहे. वॉटर, मीटर, गटर, हे तीन प्रश्न सोडवून युवक राष्ट्रवादी करत असलेले काम जनतेपर्यंत पोहोचवा. सुटीच्या दिवशी नागरिकांना भेटून त्यांच्या समस्या जाणून घ्या, बूथ यंत्रणा सक्षम बनवा, तरच नगरसेवक होणे शक्य आहे. राजकारणात दोन पावले मागे घेऊन काम करतात तेच पुढे जातात. घरातील पार्श्वभूमी राजकारणी नाही तरीही युवक प्रदेशाध्यक्षपद मिळाले असल्याचे यावेळी त्यांनी आपल्या भाषणात सांगितले.
यावेळी शहराध्यक्ष रंजन ठाकरे, जिल्हाध्यक्ष कोंडाजीमामा आव्हाड, युवक शहराध्यक्ष अंबादास खैरे, पुरुषोत्तम कडलग, संजय खैरनार, युवक प्रदेश उपाध्यक्ष सचिन पिंगळे, सरचिटणीस चेतन कासव, जय कोतवाल, बाळा निगळ, राहुल तुपे आदी व्यासपीठावर उपस्थित होते. कार्यक्रमाचे स्वागत व प्रस्तावना शहराध्यक्ष अंबादास खैरे यांनी केले. कार्यक्रमाचे सूत्रसंचालन राहुल तुपे यांनी केले, तर आभार डॉ. संदीप चव्हाण यांनी मानले.
(फोटो १७ एनसीपी)