माळी समाज मेळाव्यात १२५ वधू-वरांचा परिचय

नाशिक : माळी समाजाच्या शुभमंगल सावधान विवाह संस्थेतर्फे परशुराम साईखेडकर नाट्यगृहात रविवारी (दि.१५) २१ वा माळी समाज मेळावा वधू-वर परिचय मे‌ळावा घेण्यात आला. या मेळाव्यात सुमारे १२५ वधू-वरांचा व त्यांच्या पालकांचाही परिचय करून देण्यात आला.

माळी समाजातर्फे विविध शाखीय प्रथम विवाहइच्छुक, घटस्फोटित, विधवा, विधूर, वधू-वरासाठी परिचय मेळाव्यात सुमारे १२५ हून अधिक वधू-वरांनी सहभाग घेत आपल्या आयुष्यातील संभाव्य जोडीदारांविषयी माहिती जाणून घेण्याचा प्रयत्न केला. विशेष म्हणजे वधू-वर सूचक संस्थेतर्फे कोणत्याही प्रकारे कुंडली न पाहता वधू-वराचे कर्तृत्व व गुण पाहून विवाह जमविण्याचे आवाहन मेळाव्याचे आयोजक विनोद नाईक यांनी केले. यावे‌ळी माळी एकता वधू-वर केंद्राचे अध्यक्ष पोपटराव जगझाप, नायब तहलीदार सोमनाथ खैरे, संदीप जगझाप, सामाजिक कार्यकर्ते अशोक पाटील, महेश गायकवाड, अनिल गायकवाड आदी उपस्थित होते. सूत्रसंचालन महेश नाईक यांनी केले.