ठळक मुद्दे दिव्यांग बांधवांचा गौरव करण्याचे भाग्य
इगतपुरी : येथील आरती दिव्यांग सेवाभावी संस्थेच्या कार्यालयाचे उद्घाटन आमदार हिरामण खोसकर यांच्या हस्ते करण्यात आले.दिव्यांग बांधवांच्या माध्यमातून समाजाची सेवा घडतेय हे आपण आज समाजपरिवर्तनाच्या माध्यामातून पाहत आहे. शासकीय योजना व निमशासकीय कार्यपद्धतीचा अभ्यास करून समाजहिताची कामे करण्याची जिद्द व कर्तृत्व यातून माणूस घडविण्याचे काम आरती दिव्यांग सेवाभावी संस्थेच्या माध्यमातून होत असल्याने दिव्यांग बांधवांचा गौरव करण्याचे भाग्य लाभल्याचे प्रतिपादन आमदार हिरामण खोसकर यांनी व्यक्त केले.