इगतपुरीत पत्नीकडून पतीचा खून

इगतपुरीत पत्नीकडून पतीचा खून

इगतपुरी : अनैतिक संबंध असल्याच्या संशयाने पत्नीने आपल्याच पतीचा रात्रीच्या वेळी झोपेत असताना डोक्यात तीक्ष्ण हत्याराने वार करून खून केल्याची घटना शहरातील पटेल चौकात घडली. या घटनेमुळे शहरात खळबळ उडाली असून, या घटनेबाबात उलटसुलट चर्चेला उधाण आले आहे. दरम्यान, पोलिसांनी संशयित पत्नीस रात्री ताब्यात घेतले.
याबाबत पोलीस सूत्रांनी दिलेल्या माहितीनुसार शहरातील पटेल चौक येथे सगीर इस्माईल शेख (५४) व त्यांची पत्नी सायला सगीर शेख राहतात. त्यांचे सुमारे
वीस वर्षांपासून आपसात पटत नव्हते. आपल्या नवऱ्याचे दुसरीकडे अनैतिक संबंध असल्याचा मनात संशय धरु न पतीला गुरु वारी (दि.१२) रात्रीच्या वेळी झोपेत असताना कोणत्यातरी तिक्ष्ण हत्याराने डोक्यात वार केला. यात सगीर शेख गंभीररित्या जखमी झाले. अतिरक्तश्रावाने त्यांचा जागीच मृत्यू झाला.
शुक्रवार (दि.१३ ) सकाळी ७ वाजता मयताचा मुलगा कफील सगीर शेख ( वय२४ ) याने इगतपुरी पोलीस ठाण्यात जाऊन घडलेला प्रकार सांगितला. व आपल्या आई विरु ध्द तक्र ार दाखल केली. या घटनेची माहिती समजताच पोलीस निरिक्षक संजय शुक्ला यांच्या मार्गदर्शनाखाली सहायक पोलीस निरिक्षक महेश मांडवे, पोलीस उपनिरिक्षक सुभाष पाटील यांनी धाव घेऊन पंचनामा करु न मृतदेह शवविच्छेदनासाठी जिल्हा रु ग्णालयात दाखल केला. या प्रकरणी मयताची पत्नी सायला सगीर शेख हिच्या विरु ध्द गुन्हा दाखल करु न तीला रात्री ताब्यात घेतले असुन पुढील तपास पोलीस निरीक्षक संजय शुक्ला यांच्या मार्गदर्शनाखाली सुरु आहे.