उपसरपंचपदी गुंजाळ

आडगाव रेपाळ : आवर्तन पद्धतीने पद रिक्त झाल्याने निवड

 येवला : तालुक्यातील आडगाव रेपाळच्या उपसरपंचपदी नारायण नामदेव गुंजाळ यांची बिनविरोध निवड करण्यात आली.
येथील उपसरपंच रेर्खा जगताप यांनी आवर्तन पद्धतीने राजीनामा दिल्याने रिक्त झालेल्या पदाच्या निवडीसाठी ग्रामपंचायत कार्यालयात सरपंचांच्या अध्यक्षतेखाली विशेष सभा घेण्यात आली. निर्धारित वेळेत नारायण गुंजाळ यांचा एकमेव अर्ज दाखल झाल्याने निवडणूक निर्णय अधिकारी तथा सरपंच आशाताई निकम यांनी गुंजाळ यांची उपसरपंचदी बिनविरोध निवड झाल्याची घोषणा केली. गुंजाळ यांच्या अर्जावर सूचक म्हणून भावराव जिरे यांनी स्वाक्षरी केली. निवड जाहीर होताच कार्यकर्त्यांनी गुलालाची उधळण व फटाक्यांची आतिषबाजी करत आनंदोत्सव साजरा केला. नवनिर्वाचित उपसरपंच गुंजाळ यांचा सत्कार करण्यात आला. शासनाच्या विविध योजना गावात आणून त्या यशस्वीरीत्या राबविण्यासाठी ग्रामस्थांचे सहकार्य अपेक्षित असून, सर्वांच्या सहकार्याने गावाचा विकास करण्यासाठी आपण प्रयत्नशील आहोत, असे उपसरपंच नारायण गुंजाळ यांनी सांगितले. ग्रामसेवक एन.एच. आहिरे यांनी निवडप्रक्रियेचे काम पाहिले. सूत्रसंचालन निवृत्ती ठोंबरे यांनी केले. आभार रमेश निकम यांनी मानले. सभेला भागूजी महाले, ग्रापंचायत सदस्य भावराव जिरे, पांडुरंग गायके, रंजना तनपुरे, नवनाथ तनपुरे, नामदेवराव गुंजाळ, फकिरा निकम, आदि उपस्थित होते. (वार्ताहर)