इंदिरानगर : मुलीसमवेत पायी जात असलेल्या वृद्धेच्या गळ्यातील पाच तोळ्याची सोनसाखळी दुचाकीवरून आलेल्या संशयितांनी खेचून नेल्याची घटना शनिवारी (दि़२४) रात्रीच्या सुमारास इंदिरानगर येथील स्वामी समर्थ केंद्राजवळ घडली़
पोलिसांनी दिलेल्या माहितीनुसार ठाणे जिल्ह्यातील मुरबाड तालुक्यातील सुकिरण सोसायटीतील रहिवासी मीना पाटेकर (६५) व त्यांची मुलगी दीपाली धारणकर (रा़ अथर्व सोसायटी, इंदिरानगर) या शनिवारी रात्री पावणे अकरा वाजेच्या सुमारास स्वामी समर्थ केंद्राजवळील लक्ष्मी अपार्टमेंटसमोरून पायी जात होत्या़ यावेळी समोरून काळ्या रंगाच्या दुचाकीवर आलेल्या दोघा संशयितांपैकी पाठीमागे बसलेल्याने मीना पाटेकर यांच्या गळ्यातील १ लाख ३० हजार रुपये किमतीची चेन खेचून नेली़ यानंतर बजरंग सोसायटीच्या दिशेने संशयित फरार झाले़
या प्रकरणी इंदिरानगर पोलीस ठाण्यात जबरी चोरीचा गुन्हा दाखल करण्यात आला आहे़