सुरक्षित अंतर न ठेवणाऱ्या दोघांना १० हजाराचा दंड

लग्नसमारंभात होणारी गर्दी आणि मास्क वापरण्याकडे झालेले दुर्लक्ष यामुळे कोरोना रुग्णांची संख्या वाढत असल्याने नाशिककरांना मास्क वापरणे बंधनकारक करण्यात आले आहे. महापालिकेच्या आरोग्य विभागाच्या पाचही प्रभागात दंडात्मक कारवाईच्या मोहिमेला सुरुवात करण्यात आली आहे. गेल्या तीन दिवसात कलानगर, साईनाथनगर, बसस्थानक, सारडा सर्कलसह गर्दीच्या ठिकाणी मास्क न वापरणाऱ्या १२० नागरिकांवर २७ हजार २०० रुपयाची दंडात्मक कारवाई करण्यात आली. तसेच साईनाथनगर परिसरातील एका रुग्णालयात आणि सारडा सर्कल येथे अशा दोन ठिकाणी फिजिकल डिस्टन्सिंग दिसून न आल्याने प्रत्येकी पाच हजार रुपयाचा दंड असा एकूण दहा हजार रुपये दंड वसूल करण्यात आला, सदर मोहीम विभागीय अधिकारी स्वप्निल मुधलवाडकर यांच्या मार्गदर्शनाखाली विभागीय स्वच्छता निरीक्षक सुनील शिरसाटसह कर्मचाऱ्यांनी राबविली. सदर मोहीम दररोज राबविण्यात येणार असल्याचे सांगण्यात आले.

(फोटो २२ इदिरानगर)