Accident : मालेगावजवळ भीषण अपघात, पिता-पुत्राचा जागीच मृत्यू

Accident : नामपूर - मालेगाव रस्त्यावर मालवाहू ट्रक व दुचाकीच्या अपघातात तालुक्यातील टिपे येथील पिता-पुत्राचा जागीच मृत्यू झाला. याप्रकरणी वडनेर खाकुर्डी पोलीस ठाण्यात अज्ञात आयशरचालकाविरुद्ध गुन्हा दाखल करण्याची कार्यवाही सुरू होती.

नाशिक-  नामपूर - मालेगाव रस्त्यावर मालवाहू ट्रक व दुचाकीच्या अपघातात तालुक्यातील टिपे येथील पिता-पुत्राचा जागीच मृत्यू झाला. याप्रकरणी वडनेर खाकुर्डी पोलीस ठाण्यात अज्ञात आयशरचालकाविरुद्ध गुन्हा दाखल करण्याची कार्यवाही सुरू होती. मंगळवारी (दि. ८) रोजी सकाळी हा भीषण अपघात झाला. नामपूर - मालेगाव रस्त्यावर निळगव्हाण शिवारात म्हशी भरून जात असलेल्या मालवाहू ट्रक (क्र. एक्स ६६८६) हिने दुचाकीला धडक दिली. या धडकेत बापू शिवार महानोर (५५) व पप्पू बापू महानोर (२५, रा. टिपे) या पिता-पुत्रांचा मृत्यू झाला. नागरिकांनी तातडीने दोघांना रुग्णालयात दाखल केले होते. मात्र डॉक्टरांनी तपासून मृत घोषित केले. याप्रकरणी वडनेर खाकुर्डी पोलीस ठाण्यात अज्ञात चालकाविरुद्ध गुन्हा दाखल केला.