चौंधाणे येथे नेत्र तपासणी

चौंधाणे येथे नेत्र तपासणी

वटार : चौंधाणे येथे सावित्रीबाई फुले जयंतीनिमित्त नेत्र तपासणी शिबिर व माफक दरात मोतीबिंदू शस्त्रक्रिया शिबिर राबविण्यात आले. सावित्रीबाई फुले यांच्या प्रतिमेचे पूजन सरपंच राकेश मोरे यांच्या हस्ते करण्यात आले.नीलवसंत मेडिकल फाउंडेशन रिसर्च सेंटर नाशिक व डॉ. प्राची वसंत पवार यांच्या संयुक्त विद्यमाने व मणिशंकर आय हॉस्पिटल यांच्या सौजन्याने शिबिर पार पडले. यावेळी नेत्र तपासणीसाठी ४४७ स्त्री-पुरु षांनी सहभाग नोंदविला. ज्यांची मोतीबिंदू शस्त्रक्रिया करण्याची तयारी आहे त्यांना नाशिक येथे माफक दरात शस्त्रक्रि या करण्यासाठी पाठविण्यात आले. दरवर्षी सावित्रीबाई फुले यांच्या जयंतीनिमित्त हा उपक्रम आम्ही राबवितो. यात मोफत शस्त्रक्रिया करण्यात येते, असे सरपंच राकेश मोरे यांनी सांगितले. यावेळी उपसरपंच नामदेव बर्डे, डॉ. निकिता शाह, केदा मोरे, तुकाराम बागुल, पंढरीनाथ बागुल, निंबा मोरे, अशोक मोरे, दामू मोरे, निंबा बागुल, गोरख मोरे, अंबादास मोरे, कुणाल जगदाळे, अतुल चव्हाण आदि उपस्थित होते.(वार्ताहर)