इलेक्ट्रिक वस्तंूच्या गुदामास आग

इलेक्ट्रिक वस्तंूच्या गुदामास आग

देवळा : येथील इलेक्ट्रॉनिक्स वस्तंूच्या गुदामाला लागलेल्या आगीत लाखो रुपयांचे नुकसान झाले आहे.
रविवारी सायंकाळी ६ वाजेच्या सुमारास ही घटना घडली. देवळा -कळवण रस्त्यावर कृषी उत्पन्न बाजार समितीसमोर ज्ञानेश्वर नानाजी पवार यांचे वासू इलेक्ट्रॉनिक्स हे टीव्ही, फ्रीज, वॉशिंग मशीन आदि वस्तूंच्या विक्रीचे दुकान आहे. दुकानाच्या बाजूलाच त्यांचे गुदाम आहे. सायंकाळी ६ वाजता या गुदामाला अचानक आग लागली. त्यावेळी परिसरातील नागरिकांनी घटनास्थळी धाव घेतली व आग विझविण्यासाठी मदतकार्य सुरू केले. शेजारी अहेर पेट्रोलपंप असल्याने घटनेचे गांभीर्य लक्षात घेऊन सटाणा येथून अग्निशमन दलाचा बंब बोलविण्यात आला. परंतु त्यापूर्वीच नागरिकांनी शर्थीचे
प्रयत्न करून आग आटोक्यात आणली होती. (वार्ताहर)