दोडीत रंगली काठी मिरवणूक

सिन्नर तालुक्यातील दोडी बुद्रुक येथील धनगर समाजाचे कुलदैवत व परिसरातील जागृत देवस्थान असलेल्या म्हाळोबा महाराज यात्रेस शुक्रवारपासून उत्साहात प्रारंभ झाला. यात्रेच्या पहिल्या दिवशी स्थानिक भक्त परिवाराकडून नवसपूर्तीसाठी बोकडांचा बळी देण्यात आला.

ठळक मुद्देम्हाळोबा महाराज यात्रोत्सव : पहिल्या दिवशी नवसपूर्तीसाठी गर्दी

नांदूरशिंगोटे : सिन्नर तालुक्यातील दोडी बुद्रुक येथील धनगर समाजाचे कुलदैवत व परिसरातील जागृत देवस्थान असलेल्या म्हाळोबा महाराज यात्रेस शुक्रवारपासून उत्साहात प्रारंभ झाला. यात्रेच्या पहिल्या दिवशी स्थानिक भक्त परिवाराकडून नवसपूर्तीसाठी बोकडांचा बळी देण्यात आला.राज्यातील धनगर समाजाचे आराध्यदैवत श्री म्हाळोबा महाराज यात्रा तीन दिवस चालणार आहे. यात्रोत्सवाला राज्यभरातून लाखो भाविक हजेरी लावतात. गुरुवारी रात्री येथील भाविकांनी निफाड तालुक्यातील तामसवाडी येथून गोदावरीचे पाणी आणले. यात्रेच्या पहिल्या दिवशी म्हणजे सकाळी आठ वाजता कावडीद्वारे आणलेल्या गंगेचे पाणी व पंचमृताने म्हाळोबा महाराज मूर्तीस स्नान घालून विधिवत पूजन करण्यात आले. मंदिरापासून मिरवणुकीस प्रारंभ करण्यात आला. पालखीतून देवाचा मुखवटा, पादुका व काठ्यांची गावातून मिरवणूक काढण्यात आली. भाविकांच्या खांद्यावर रंगीबेरंगी काठीमहाल सजवून धनगरी ढोलांचा गजर व सनईच्या सुरात म्हाळोबा मंदिरापासून मिरवणुकीस प्रारंभ झाला. मिरवणूक दोडी बुद्रुक गावात येताच फटाक्यांची आतषबाजी करण्यात आली. त्यानंतर चौकाचौकात महिलांनी मुखवटा व काठीमहालाचे पूजन केले. सुमारे चार तास चाललेल्या मिरणुकीत धनगर समाजाबरोबरच गावातील आबालवृद्धांसह महिला व तरुण मोठ्या संख्येने सहभागी झाले होते. म्हाळोबा महाराजांची विधिवत पूजा करून मंदिरात मुखवट्याची स्थापना करण्यात आली. सायंकाळपर्यंत स्थानिक भगत मंडळींकडून सुमारे २०० बोकडांचा बळी देण्यात आला. यावेळी नैवेद्य दाखविण्यात आला. शनिवारी वर्षभर कबूल केलेले नवस फेडण्यासाठी भाविक दाखल होणार आहेत. बाहेरगावाहून आलेल्या काठ्यांची मिरवणूक होऊन त्यांची देवभेट घडविली जाते. मंदिर परिसरात अडथळे निर्माण केले असून, मंदिरात दर्शन रांगा तयार करण्यात आल्या आहेत.तीन दिवस चालणाºया यात्रेत पहिल्या दिवशी स्थानिक भक्त मंडळींकडून कावडीद्वारे गंगेचे पाणी आणून म्हाळोबा महाराजांना अभ्यंगस्थान घालण्यात आले. त्यानंतर गावातून मुखवट्याची मिरवणूक काढून विधिवत पूजा करु न मंदिरात त्याची स्थापना करण्यात आली.