डॉक्टर हवे का डॉक्टर, नर्स, फार्मासिस्ट...?

नर्सिंग सेवा पुरवणाऱ्या बऱ्यापैकी संस्था नाशिकमध्ये देखील आहेत. मात्र, डॉक्टर्सपासून फार्मासिस्ट, रेडिओलॉजिस्ट पुरवणाऱ्या अनेक संस्था मुंबई, ठाणे, पुणे अशा ठिकाणी सुरू झाल्या आहेत. नाशिकमध्ये अशी व्यावसायिक संस्था नसली तरी मुंबई - पुण्याच्या या संस्था नाशिकमध्येही सेवा पुरवत आहेत. इतकेच नव्हे तर रुग्णालये आणि कोविड सेंटर देखील चालवण्यासाठी या संस्था कार्यरत आहेत. नाशिक महापालिकेच्या वतीने आयमा येथे कोविड सेंटर चालवण्यास देण्याचा प्रयोग प्रथमच राबवण्यात येणार असून, त्यासाठी निविदाही मागवण्यात आल्या आहेत.

डॉक्टर, नर्स किंवा गरजेनुसार अन्य कर्मचाऱ्यांची मागणी असते, ती पुरवली जाते. परंतु त्याचबरोबर कोविड रुग्णालय किंवा कोविड सेंटर देखील मुंबईत चालवले जात आहेत, अशी माहिती ठाणे येथील सोनची एन्टरप्रायझेसच्या डॉ. समिधा गोरे यांनी दिली. प्रति रुग्ण/बेड दर ठरवले जातात आणि त्यानुसार संबंधीत यंत्रणेच्या पायाभूत सुविधा, औषधे कायम ठेवून ही सेवा दिली जाते, असेही त्यांनी सांगितले. कोरोनामुळे आता अशाप्रकारच्या नव्या व्यवसायांचा जन्म झाला असून, तो अनेक ठिकाणी उपयुक्त ठरत आहे.

कोट...

मुंबई, ठाणे, पुणे, कल्याण डोंबिवली अशा अनेक ठिकाणी कुशल वैद्यकीय मनुष्यबळ पुरवणाऱ्या संस्था तयार झाल्या आहेत. केवळ मागणीनुसार अशाप्रकारच्या तज्ज्ञांचा पुरवठा केला जातो असे नाही, अगदी लसीकरण केंद्रावरही त्या कर्मचाऱ्यांचा उपयोग मुंबई - ठाण्यात केला जात आहे.

- डॉ. समिता गोरे, वैद्यकीय व्यावसायिक, ठाणे

कोट...

नाशिक महापालिकेच्या वतीने प्रथमच आयमा कोविड सेंटर चालवण्यास देण्यात येणार आहे. पर बेड दर ठरवून त्यानुसार रक्कम दिली जाईल. हा प्रयोग कसा ठरतो हे तीन महिने बघितले जाईल. त्यानंतरच पुढील निर्णय घेण्यात येणार आहे.

- डॉ. बापूसाहेब नागरगोजे, वैद्यकीय अधीक्षक, महापालिका