पिंपळगावी मोकाट कुत्र्यांच्या हल्ल्यात हरणाचा मृत्यू

पिंपळगाव बसवंत : वाट भरकटलेल्या हरणावर मोकाट कुत्र्यांनी हल्ला चढविला. कुत्र्यांनी लचके तोडलेल्या त्या हरणाचा अखेर मृत्यू झाला. ही घटना पिंपळगाव बसवंत शहरातील दगूनाना मोरेनगर परिसरात गुरुवारी (दि. ७) पहाटेच्या सुमारास घडली.

ठळक मुद्देकळपातील हरीण चुकून शहरातील दगूनाना मोरेनगर भागात आले.

पिंपळगाव बसवंत : वाट भरकटलेल्या हरणावर मोकाट कुत्र्यांनी हल्ला चढविला. कुत्र्यांनी लचके तोडलेल्या त्या हरणाचा अखेर मृत्यू झाला. ही घटना पिंपळगाव बसवंत शहरातील दगूनाना मोरेनगर परिसरात गुरुवारी (दि. ७) पहाटेच्या सुमारास घडली.याबाबत मिळालेल्या माहितीनुसार, हरणांचा कळप जात असताना कळपातील हरीण चुकून शहरातील दगूनाना मोरेनगर भागात आले. त्यावेळी त्याच्यावर मोकाट कुत्र्यांची नजर गेली. त्या कुत्र्यांनी हल्ला चढवल्याने ते सैरावैरा पळू लागले. कुत्र्यांच्या तावडीत सापडल्याने कुत्र्यांनी लचके तोडून त्याला गंभीर जखमी केले. ही बाब लक्षात येताच नागरिकांनी लगेच ग्रामपंचायतीचे आरोग्यप्रमुख योगेश विधाते यांना त्याची माहिती दिली. त्यांनी वन कर्मचाऱ्यांना कळविले. मात्र वन कर्मचारी घटनास्थळ गाठेपर्यंत हरणाचा मृत्यू झाला होता. यावेळी वन विभागाचे नाना चौधरी, टेकणार यांनी मृत हरणाला ताब्यात घेत पंचनामा केला.