संभाजी स्टेडियमच्या रस्त्यावर भगदाड

सिडको : येथील राजे संभाजी स्टेडियमसमोरील मुख्य रस्त्यावर अचानक भगदाड पडल्याने काहीकाळ वाहतूक थांबविण्यात आली होती. ऐन सकाळच्या सुमारास अचानक पडलेले भगदाड सुज्ञ नागरिकांच्या लक्षात आल्याने मोठा अनर्थ टळला.

ठळक मुद्देमोठा अनर्थ टळला । काही काळ वाहतूक थांबविली

लोकमत न्यूज नेटवर्क
सिडको : येथील राजे संभाजी स्टेडियमसमोरील मुख्य रस्त्यावर अचानक भगदाड पडल्याने काहीकाळ वाहतूक थांबविण्यात आली होती. ऐन सकाळच्या सुमारास अचानक पडलेले भगदाड सुज्ञ नागरिकांच्या लक्षात आल्याने मोठा अनर्थ टळला.
शनिवार (दि.२४) रोजी सुरेश आव्हाड हे राजे संभाजी स्टेडियमसमोरील मुख्य रस्त्याने जात असताना त्यांना अचानक रस्त्याला भगदाड पडलेले दिसले. त्यांनी तत्काळ याबाबतची माहिती प्रभागाच्या महिला नगरसेवक कावेरी घुगे व गोविंद घुगे यांना कळवली. घुगे यांनी तत्काळ याबाबत महापालिका अधिकाऱ्यांना कळवून घटनास्थळी धाव घेतली.
दरम्यान, सदरचा खड्डा हा सुमारे १० ते १५ फूट खोल होता. या खड्ड्यालगतच मोठी पावसाळी गटार असून, सदर खड्डा लक्षात आला नसता तर मोठा अपघात घडला असता, सुदैवाने मोठी घटना घडायच्या आतच मनपाने याठिकाणी त्वरित बॅरिकेट््स लावल्याने हा रस्ता रहदारीसाठी बंद करण्यात आला आहे.