कॉँग्रेसचे पालिकेसमोर ठिय्या आंदोलन

शॉपिंग सेंटरसाठी वापरण्यात येणारा निधी करंजवण पाणीपुरवठा योजनेसाठी उपलब्ध करून द्यावा या मागणीसाठी कॉग्रेसच्या वतीने नगरपालिकेसमोर ठिय्या आंदोलन करण्यात आले.

ठळक मुद्देमनमाड : करंजवण योजनेसाठी निधी वर्ग करण्याची मागणी

मनमाड : शॉपिंग सेंटरसाठी वापरण्यात येणारा निधी करंजवण पाणीपुरवठा योजनेसाठी उपलब्ध करून द्यावा या मागणीसाठी कॉग्रेसच्या वतीने नगरपालिकेसमोर ठिय्या आंदोलन करण्यात आले.नागरपरिषदेतर्फे चौदाव्या वित्त आयोगाचा ३ कोटी ९६ लाख रुपये निधी आययुडीपीतील शॉपिग सेंटरच्या बांधकामात वापरण्यात येत आहे. कॉग्रेस नगरसेवकांनी जनरल मिटींगमध्ये विरोध करून हा ठराव स्थगित करायला लावला होता. परंतु ते न करता जनतेची फसवणूक करून शॉपिग सेंटरचे बांधकाम सुरू असल्याचा आरोप आंदोलनकर्त्यांनी केला आहे. यातील दोन कोटी रुपये हे मनमाड शहरासाठीच्या करंजवन पाणीपुरवठा योजनेच्या निधीसाठी वर्ग करण्यात यावे अशी कॉग्रेस नगरसेवकाची मागणी असून त्यासाठीकॉँग्रेसचे शहर अध्यक्ष अफजल शेख यांच्या नेतृत्वाखाली पालिकेसमोर ठिया आंदोलन करण्यात आले. वंचीत बहुजन आघाडीचे राजेंद्र पगारे यांनी आंदोलनास पाठिंबा दिला आहे. यावेळी गटनेते रवींद्र घोडेस्वार , संतोष अहिरे,संजय निकम, सीमा निकम, मिलींद उबाळे, नाझीमअफजल शेख, माजी नगराध्यक्ष रहेमान शहा, भीमराव जेजुरे,बाळासाहेब साळुंके, शशिकांत व्यवहारे, सुनील गवांदे उपस्थित होते.