सासरच्यांनी घरफोडी केल्याची विवाहितेची तक्रार

पती व सासरच्यांनी घराच्या दरवाजाचा कडी-कोयंडा तोडून घरातील सोन्याचे दागिने, दोन लॅपटॉप, दुचाकी व न्यायालयीन दाव्याची कागदपत्रे असा सव्वा लाखाचा ऐवज चोरून नेल्याची घटना इंदिरानगरमध्ये घडली़

नाशिक : पती व सासरच्यांनी घराच्या दरवाजाचा कडी-कोयंडा तोडून घरातील सोन्याचे दागिने, दोन लॅपटॉप, दुचाकी व न्यायालयीन दाव्याची कागदपत्रे असा सव्वा लाखाचा ऐवज चोरून नेल्याची घटना इंदिरानगरमध्ये घडली़  इंदिरानगरमधील अमिदीप अपार्टमेंटमधील विवाहिता सोबिया पाटोळे यांनी पोलिसांत दिलेल्या फिर्यादीनुसार ८ जून ते १८ जुलै २०१८ या कालावधीत त्यांचे पती अमोल पाटोळे, नलिनी पाटोळे (सासू), जगदीश पाटोळे (सासरे) व सासरकडील नातेवाईक आशिष पाटोळे, हेमंत पाटोळे (रा़ सार्थक बंगला, जयबाई कॉलनी, नाशिकरोड) यांनी घराच्या दरवाजाचा कडी-कोयंडा तोडून घरात प्रवेश केला़  तसेच घरातील तीन कॅमेरे, सोन्याची अंगठी, डेल कंपनीचे दोन लॅपटॉप, अ‍ॅक्टिवा दुचाकीचे कागदपत्र याबरोबरच न्यायालयीन दाव्यातील कागदपत्रे असा १ लाख २१ हजार ६३३ रुपयांचा ऐवज चोरून नेला़ या प्रकरणी इंदिरानगर पोलिसांनी घरफोडीचा गुन्हा दाखल केला आहे़