विनयभंग करणाऱ्या शिक्षकास चोप

दहावीच्या अल्पवयीन विद्यार्थिनीचा विनयभंग करणारा राणेनगर येथील सेंट फ्रान्सिस हायस्कूलच्या वर्गशिक्षकास नागरिकांनी बेदम चोप दिल्याची घटना शुक्रवारी (दि़०१) सकाळच्या सुमारास घडली़ संशयित सुनील कदम असे या वर्गशिक्षकाचे नाव असून, त्याच्यावर इंदिरानगर पोलीस ठाण्यात विनयभंग तसेच लहान मुलांचे लैंगिक अपराधापासून संरक्षण (पोस्को) कायद्यान्वये गुन्हा दाखल करण्यात आला आहे़

इंदिरानगर : दहावीच्या अल्पवयीन विद्यार्थिनीचा विनयभंग करणारा राणेनगर येथील सेंट फ्रान्सिस हायस्कूलच्या वर्गशिक्षकास नागरिकांनी बेदम चोप दिल्याची घटना शुक्रवारी (दि़०१) सकाळच्या सुमारास घडली़ संशयित सुनील कदम असे या वर्गशिक्षकाचे नाव असून, त्याच्यावर इंदिरानगर पोलीस ठाण्यात विनयभंग तसेच लहान मुलांचे लैंगिक अपराधापासून संरक्षण (पोस्को) कायद्यान्वये गुन्हा दाखल करण्यात आला आहे़  पीडित विद्यार्थिनीच्या आईने दिलेल्या फिर्यादीनुसार त्यांची मुलगी राणेनगर येथील सेंट फ्रान्सिस हायस्कूलमध्ये शिक्षण घेते आहे़ दहावीला गेलेल्या या मुलीस गुरुवारी (दि़३१) रात्री शाळेची तयारी करण्यास सांगितले असता मी शाळेत जाणार नाही असे सांगून रडण्यास सुरुवात केली़ मुलीला विश्वासात घेऊन विचारपूस केली असता तिने नववीचे वर्गशिक्षक सुनील कदम हे शाळेतील मधल्या सुटीत अश्लील संवाद साधून जवळिक साधत असत, मात्र, मी त्यांना प्रतिसाद देत नसल्याने त्यांनी नववीत नापास करण्याची धमकीही दिली होती़ त्यातच दहावीलाही तेच वर्गशिक्षक असल्याने मला शाळेत जाण्याची भीती वाटत असल्याचे सांगितले़१९ मार्च २०१८ रोजी शिक्षक सुनील कदम याने सायंकाळी सहा वाजेच्या सुमारास मुलीच्या आईच्या मोबाइलवर फोन केला व मुलीशी संवाद साधला़ तसेच मुलीकडून जॉमेट्रीची प्रश्नपत्रिका मागितली व ती घेण्यासाठी या मुलीच्या घराजवळ गेले़ मात्र, या मुलीने त्यांना घरी बोलावले नाही यावरूनही संशयित कदम याने घरी का बोलावले नाही, अशी विचारणा करून धमकी दिली होती़ त्यानंतर २२ एप्रिल २०१८ रोजी या मुलीच्या इमो मेसेंजरवर अश्लील मेसेज पाठविला होता़  दरम्यान, मुलीच्या वडिलांना हा प्रकार सांगितल्यानंतर शुक्रवारी (दि़१) सकाळी आई, नातेवाईक, पालक व परिसरातील सामाजिक कार्यकर्ते शाळेत गेले़ त्यांनी शिक्षक सुनील कदम यास जाब विचारून शाळेच्या आवारात तसेच मुख्याध्यापकांच्या कार्यालयातच बेदम मारहाण केली़ मुलीच्या आईने इंदिरानगर पोलीस ठाण्यात फिर्याद दिली असून, पोलिसांनी शिक्षक सुनील कदमविरोधात गुन्हा दाखल केला आहे़ दरम्यान, सदर शिक्षक कदम यास शालेय प्रशासनाने निलंबित केले आहे.नववीला वर्षभर त्रासअल्पवयीन विद्यार्थिनी ही नववीला असताना वर्गशिक्षक असलेला सुनील कदम शाळेच्या मधल्या सुटीत भेटून जवळिक साधून अश्लील संवाद साधण्याबरोबरच ‘तू मला खूप आवडते, आय लव्ह यू’ असे बोलत असे़ याबाबत घरी काही सांगितले तर नववीच्या वर्गात नापास करेल अशी धमकी देत असे़ दहावीलादेखील कदम हाच वर्गशिक्षक असल्याचे कळाल्याने संबंधित विद्यार्थिनी शाळेतच जाण्यास तयार नव्हती़ आई-वडिलांनी तिला विश्वासात घेऊन विचारल्यानंतर हा प्रकार समोर आला़शाळेतील हा प्रकार निंदनीय असून, संबंधित शिक्षकावर शाळेने कठोर कारवाई करावी़ या प्रकारामुळे शाळेतही मुली असुरक्षित असल्याचे समोर आले असून, यापुढे असे प्रकार घडणार नाहीत याची शाळेने काळजी घ्यावी़- संतोष सोनपसारे, शहराध्यक्ष समता परिषद, नाशिक