नाशिक : शहर पोलीस आयुक्तालयाचा ३१ वा वर्धापन दिन शुक्रवारी (दि. १९) आयुक्तालय व सर्व पोलीस ठाण्यांमध्ये राष्ट्रीय एकात्मतेची शपथ घेऊन उत्साहात साजरा करण्यात आला.
महाराष्ट्र शासनाच्या आदेशानुसार १९ नोव्हेंबर १९९० रोजी नाशिक शहर पोलीस आयुक्तालयाची निर्मिती करण्यात आली होती. त्यानुसार शुक्रवारी (दि. १९ ) पोलीस आयुक्तालयाला ३१ वर्षे पूर्ण झाली असून त्या पार्श्वभूमीवर पोलीस आयुक्त दीपक पाण्डेय यांच्या उपस्थितीत आयुक्तालयाच्या हद्दीत १४ पोलीस ठाणी, ४ विभाग व दोन परीक्षमंडलांमध्ये राष्ट्रीय एकात्मतेची शपथ घेऊन पोलीस आयुक्तालयाचा वर्धापन दिन साजरा करण्यात आला.
यावेळी पोलीस उपायुक्त पौर्णिमा चौघुले- श्रींगी, वसंत मोरे, सहायक पोलीस आयुक्त सीताराम गायकवाड आदी उपस्थित होते.