वणी : दिंडोरी-नाशिक रस्त्यावर हॉटेल वाडालगत भरधाव अल्टो कारने दुचाकीला धडक दिल्याने दुचाकीवरील एक युवक ठार, तर दुसरा जखमी झाला. अपघातानंतर कारचालक फरार झाल्याची माहिती पोलिसांनी दिली.विशाल ऊर्फ कपिल सुमतीलालआहेर (रा. भांडणे, ता. कळवण) व योगेश देवराम बोरसे (रा. दळवट, ता. कळवण)हे दोघे बजाज पल्सर या दुचाकीने (क्र. एमएच ४१ ए १८४१) दिंडोरी-नाशिक रस्त्यावरून नाशिक येथे जात असताना समोरूनयेणाऱ्या भरधाव कारने (क्र. एमएच १५ जीए ७१२५) दुचाकीला धडक दिली. यातविशाल आहेर ठार झाला, तर योगेशबोरसे हा गंभीर जखमी झाला. दरम्यान,प्रकृती खालावल्याने योगेशला अधिक उपचारासाठी नाशिक येथे हलविण्यात आले आहे.अपघातानंतर कारचालक नंदकुमार बाबूराव कापसे हा फरार झाल्याची माहिती पोलिसांनी दिली. जखमी बोरसे याचाजबाब घेण्यात आला असून, आरटीओला आवश्यक व योग्य ती माहिती देण्यातआली आहे. या अपघाताचा गुन्हा दाखल करण्यात आला आहे. पोलीस निरीक्षक बोरसे यांच्या मार्गदर्शनाखाली पोलीस उपनिरीक्षक पाटील व हवालदार जाधव अधिक तपास करीत आहेत.
कार-दुचाकीची धडक; एक ठार, एक जखमी
By लोकमत न्यूज नेटवर्क | Updated: March 17, 2019 01:26 IST