भुजबळ समर्थकांची सातपूरला रॅली

भुजबळ समर्थकांची सातपूरला रॅली

सातपूर : ओबीसी आणि भुजबळ समर्थकांकडून येत्या सोमवारी (दि. ३)काढण्यात येणाऱ्या मोर्चाची जनजागृती करण्यासाठी सातपूर परिसरातून बुधवारी दुचाकीवरून रॅली काढण्यात आली.
माजी मंत्री आमदार छगन भुजबळ यांची कारागृहातून मुक्तता करण्यात यावी व ओबीसी आरक्षण शाबूत ठेवावे, या मागणीसाठी ३ आॅक्टोबरला जिल्हाधिकारी कार्यालयावर मोर्चाचे आयोजन करण्यात आले आहे. मोर्चाच्या जनजागृतीसाठी भुजबळ समर्थक, ओबीसी, समता परिषद, सातपूर राष्ट्रवादी काँग्रेस पक्ष यांच्यातर्फे कार्यकर्त्यांनी दुचाकी रॅली काढली.
स्वारबाबानगरपासून सुरू झालेल्या रॅलीचा राजवाडा, निगळ गल्ली, शिवाजी चौक, शनि मंदिर, मार्केट, जाधव टाऊनशिप, चुंचाळे, पपया नर्सरी, अशोकनगर, श्रमिकनगर, शिवाजीनगरमार्गे आनंदवली येथे आल्यानंतर समारोप झाला.
या रॅलीत माजी नगरसेवक सदाशिव माळी, श्रीराम मंडल, प्रकाश महाजन, दीपक मौले, विजय तुपलोंढे, विवेक सोनवणे, अनिल मौले, वैभव देवरे, मच्छिन्द्र माळी, शिवाजी माळी, बाळकृष्ण सोनवणे आदि कार्यकर्ते सहभागी झाले होते. कार्यकर्त्यांनी अखिल भारतीय माळी महासंघाचे पिवळ्या रंगाचे झेंडे हातात घेऊन रॅलीत सहभाग घेतला होता. (वार्ताहर)