बालकांनाही असू शकतो डायबिटीस !

नाशिक : गत दशकाच्या उत्तरार्धापासून बालकांमध्ये मधुमेह आढळण्याच्या प्रमाणातही वाढ झाल्याचे दिसून येत आहे. या बालकांना तहान, लघवी, भूकही सामान्यांच्या तुलनेत खूप जास्त लागूनही त्यांचे वजन वाढत नाही. अशा बालकांना ‘टाईप १’ प्रकारातील मधुमेह असण्याची शक्यता नाकारता येत नाही. त्यामुळे अशी लक्षणे असणाऱ्या बाळाच्या पालकांनी तातडीने तज्ज्ञांचा सल्ला घेणे आवश्यक ठरू लागले आहे. शहरी भागातील बालकांमधील 'टाइप १' मधुमेहाचे प्रमाण दर वर्षी तीन टक्क्यांनी वाढत असल्याचे समोर आले आहे.

इन्फो

आई-वडिलांना मधुमेह असेल तर...

महिलांमधील वाढता ताण हे त्यांच्यातील वाढत्या मधुमेहाचे मुख्य कारण आहे. पुरुषप्रधान संस्कृतीत एकूणच महिलांच्या खाण्यापिण्याच्या सवयी, कौटुंबिक जबाबदारी व कामाचा ताण यामुळे महिलांमधील मधुमेहाचे प्रमाण वाढताना दिसते. त्यामुळे गर्भवती महिलांद्वारे होणाऱ्या बाळाला जन्मत:च होणारा पॉलिजेनिक मधुमेह होण्याची शक्यता असते. तर काही कुटुंबांमध्ये आई, वडील दोघांनाही मधुमेह असल्यास त्यांच्या बाळालादेखील वंशपरंपरेेने मधुमेह होण्याची शक्यता असते.

इन्फो

लक्षणे आणि काळजी

जन्माच्या वेळी कमी वजन असणाऱ्या बालकांना जास्त खायला दिले जाते. त्यामुळे त्याच्या शरीरात साखरेचे प्रमाण वाढते. यामुळे नवजात बालकांमध्ये मधुमेहाचा धोका निर्माण होत असल्याचे निरीक्षण तज्ज्ञ नोंदवितात. लहान मुलांमध्ये 'टाइप वन' मधुमेह आहे. असे निदान झाल्यावर कुटुंबाने त्या मुलाची विशेष काळजी घ्यावी. तसेच ज्या बाळांना तहान जास्त लागणे, लघवी तसेच भूक जास्त लागूनही वजन कमी होत जाते, अशा बाळांच्या पालकांनी विशेष दक्षता घेण्याची गरज आहे.

कोट

काही कारणांमुळे ज्या बाळांची रोग प्रतिकार शक्ती स्वत:च्या बीटा पेशींना मारते, त्या बाळांना टाईप-१ प्रकारचा डायबिटीस होतो. अशा प्रकारचा डायबिटीस होण्याचे प्रमाण गत दोन वर्षात मला आठवड्याला एक नवीन बाळ उपचारासाठी येत असून ही वाढ खूप गंभीर आहे. त्याशिवाय पोस्ट कोविड काळात जाड मुलांना होणाऱ्या टाईप २ डायबिटीसचे प्रमाणदेखील वाढत चालले आहे.

डॉ. तुषार गोडबोले, बाल मधुमेहतज्ज्ञ

--------------

ही डमी आहे.