नाशिक : शहरातील उंटवाडी रोड येथील मुथूट फायनान्सवर अज्ञात दरोडेखोरांनी गोळीबार केला. या गोळीबार एकाचा मृत्यू झाला असून तीन जण जखमी झाले आहेत.
मिळालेल्या माहितीनुसार, आज सकाळी 11 वाजेच्या सुमारास दरोडेखोरांनी उंटवाडी रोडवरील मुथूट फायनान्सवर दरोडा टाकण्याचा प्रयत्न केला. यावेळी दरोडेखोरांनी केलेल्या गोळीबारात एकाचा मृत्यू तर तीन जण जखमी झाल्याचे पोलिसांकडून सांगण्यात येते. दरम्यान, या घटनेची माहिती मिळताच पोलीस आयुक्त विश्वास नांगरे पाटील घटनास्थळी दाखल झाले असून तपास सुरु आहे.
दरोडेखोरांनी सुरुवातीला मुथूट फायनान्समध्ये असलेल्या कर्मचाऱ्यांचे आणि ग्राहकांचे मोबाइल जमा करून घेतले. त्यानंतर वाद घालत या दरोडेखोरांनी गोळीबार केला आणि फरार झाले, असे सांगण्यात येत आहे. यावेळी, दरोडेखोरांनी एकूण 5 राऊंड बंदुकीतून फायर केले.
दरोडेखोरांनी कर्मचारी संजू सॅम्युअल यांच्यावर तीन गोळ्या झाडल्या. यात संजू सॅम्युअम गंभीर जथमी झाले. त्यांना जिल्हा रुग्णालयात दाखल केल्यानंतर त्यांचा मृत्यू झाला. तर चंद्रशेखर देशपांडे आणि कैलास जैन या ह्ल्ल्यात जखमी झाले असून त्यांच्यावर रुग्णालयात उपचार सुरु आहेत.
दरम्यान, शहरात सतर्कतेचा इशारा देण्यात आला असून, गुन्हे शाखा पथकासह अन्य पोलीस पथके दरोडेखोरांटचा माग काढत आहेत. सर्व पोलीस ठाण्यांना नाकाबंदी करण्याचे आदेश दिले गेले आहेत.