नाशिक : शहरातील पंचवटी भागात काट्या मारुती पोलिस चौकीच्या हद्दीतील गुरुद्वारा शेजारी असलेल्या एका सदनिकेच्या वाहन तळावर उभ्या असलेल्या दुचाकींना आग लागून पाच दुचाकी जळाल्याची घटना बुधवारी (दि.22) रात्री साडे अकरा वाजता घडली आहे. सुदैवाने आगीत कोणत्याही प्रकारची जिवितहानी झाली नाही मात्र दुचाकी जळाल्याने लाखो रुपयांचे नुकसान झाले आहे.
घटनेचे वृत्त कळताच पंचवटी अग्निशमन दलाच्या जवानांनी तत्काळ धाव घेत आग आटोक्यात आणली. सदर आग कशाने लागली याचे कारण समजू शकले नाही. मात्र शॉर्ट सर्किटमुळे आग लागल्याचे बोलले जात आहे. बुधवारी रात्री गुरुद्वारा जवळ असलेल्या सीमा अपार्टमेंट सदनिकेच्या वाहन तळावर सदनिकेच्या राहणाऱ्या सदस्यांनी नेहेमीप्रमाणे दुचाकी उभ्या केलेल्या होत्या. रात्री साडे अकरा वाजता सदनिकेच्या आवारात धूर निघून काहीतरी जळाल्याचा वास येऊ लागल्याने सदस्यांनी तत्काळ खाली धाव घेतली.
त्यावेळी दुचाकी पेटलेल्या दिसल्या नागरिकांनी तत्काळ पाणी मारून आग विझविण्याचा प्रयत्न केला मात्र दुचाकींनी वेगाने पेट घेतल्याने नागरिकांनी पंचवटी अग्निशमन दलाला माहिती कळविली त्यानंतर घटनास्थळी अग्निशमन दलाचे जवान पाण्याच्या बंबासह दाखल झाले इमारतीच्या वाहनतळात मोठा भडका उडाल्याने त्यांनी सुरुवातीला सदनिकेच्या राहणाऱ्या नागरिकांना बाहेर काढले आणि त्यानंतर पेटलेल्या दुचाकीवर पाण्याचा मारा करून दुचाकींनी लागलेली आग आटोक्यात आणली या घटनेत पाच ही दुचाकी पूर्णपणे जळून खाक झाल्याने दुचाकी धारकांचे मोठे नुकसान झाले आहे.
पाच मिनिटाची जळून खाक झाल्याने सदरची आग शॉर्ट सर्किटमुळे लागली की कोणी लावली याबाबत प्रश्नचिन्ह असून प्रचारकी जळाल्याने उलट सुलट चर्चेला उधाण आले होते घटनास्थळी पोलिस दाखल झाले होते याबाबत रात्री उशिरापर्यंत नोंद करण्याचे काम सुरू होते.