जिल्हा क्रीडा संकुलासाठी ३५ कोटींचा फेरप्रस्ताव

सध्याच्या छत्रपती शिवाजी स्टेडियमच्या जागेतच जिल्हा क्रीडा संकुल उभारण्याचा प्रस्ताव प्रदीर्घ काळापासून प्रलंबित आहे. प्रारंभी त्यासाठी विविध खेळांचा आंतर्भाव तसेच वाहनांच्या अंडरग्राउंड पार्किंगसह एकूण ६६ कोटींचा प्रस्ताव राज्य शासनाकडे पाठविण्यात आला होता. मात्र, मोठ्या निधीला जिल्हा क्रीडा संकुल उभारणीअंतर्गत मान्यता मिळू शकणार नसल्याचे राज्य शासनाकडून स्पष्ट करण्यात आले. त्यामुळे त्या प्रस्तावातील काही भाग वगळून आता पुन्हा ३५ कोटींचा फेरप्रस्ताव पालकमंत्र्यांकडे पाठविण्यात आला आहे. त्यात शासनाच्या निर्धारित योजनेनुसार जिल्हा क्रीडा संकुलाला २४ कोटींच्या निधीला मान्यता मिळू शकणार आहे. तर उर्वरित ११ कोटींचा निधी हा जिल्हा नियोजन समितीच्या मान्यतेने उपलब्ध व्हावा, असा प्रस्ताव त्यात देण्यात आला आहे. शासन नियमानुसार क्रीडा संकुलाच्या समितीचे अध्यक्ष पालकमंत्री, तर चेअरमन असतात. त्याचप्रमाणे जिल्हा नियोजन समितीचे पदसिद्ध अध्यक्षदेखील पालकमंत्रीच असतात. त्यामुळे जिल्ह्याच्या पालकमंत्र्यांनी या प्रस्तावास मान्यता दिल्यानंतरच क्रीडा संकुलाचे पुढील काम मार्गी लागू शकणार आहे.

शासनाने काढलेल्या नवीन आदेशानुसार आता जिम्नॅशियम. योगा सेंटर, स्पोर्ट्स सेंटर, इनडोअर हॉलमधील सर्व खेळांना परवानगी देण्यात आली आहे. तसेच झुम्बा आणि ॲरोबिक्स यासारख्या इनडाेअर व्यायामाच्या प्रकारांनादेखील शासनाकडून मान्यता देण्यात आली आहे. मात्र, ते सुरू करण्याआधी शासनाच्या संबंधित वेबसाइटवर जाऊन कोरोनाविषयक सर्व नियमावलींचे पालन करण्याचे शपथपत्र भरून द्यावे लागणार आहे. तसेच इनडोअर खेळांना परवानगी देण्यात आली असली तरी अद्याप सुब्रतोसह आउटडोअरच्या कोणत्याही स्पर्धेला परवानगी देण्यात आलेली नाही.

-रवींद्र नाईक, जिल्हा क्रीडा अधिकारी

फोट

१९नाईक रवींद्र