‘आपले संविधान आणि आम्ही’ या विषयावर वेबिनार

शहादा : डॉ. बाबासाहेब आंबेडकर यांच्या जयंतीनिमित्त विज्ञान वरिष्ठ महाविद्यालय, शहादा येथे रा.से.यो.व विद्यार्थी विकास विभाग, क.ब.चौ.उ.म.वि. जळगाव आणि श.ता.कॉ.ऑप.एज्यु. सोसायटी संचलित विज्ञान वरिष्ठ महाविद्यालय, शहादा यांच्या संयुक्त विद्यमाने ‘आपले संविधान आणि आम्ही’ या विषयावर ऑनलाईन वेबिनार आयोजित करण्यात आले होते. या वेबिनारचे प्रक्षेपण युट्यूबवर करण्यात आले.

या कार्यक्रमामध्ये कॉन्स्टिट्युशन ॲण्ड रिस्पॉन्सीबल सीटीजनशीप इनीशिएटीव्स या संस्थेच्या संस्थापिका आणि मुख्य समन्वयिका भक्ती भावे यांनी मार्गदर्शन केले. यामध्ये त्यांनी भारतीय संविधानाच्या जडणघडणीवर प्रकाशझोत टाकला. या चर्चेदरम्यान त्यांनी संविधान म्हणजे काय? तसेच संविधानाची उद्देशिका व त्यासंदर्भातील नागरिकांची कर्तव्ये यासंदर्भात खूप सोप्या शब्दात मार्गदर्शन केले. संविधानाचे दैनंदिन जीवनातील महत्त्व आणि त्याचा वापर याची त्यांनी सहभागी विद्यार्थ्यांना जाणीव करून दिली.

कृषी सभापती, जि.प.नंदुरबार व श.ता.को.ऑप.एज्यु. संस्थेचे संचालक अभिजित मोतीलाल पाटील यांनीही उद्घाटनपर मार्गदर्शन केले. रा.से.यो.व विद्यार्थी विकास विभागाचे (क.ब.चौ.उ.म.वि. जळगाव) संचालक डॉ. पंकज नन्नवरे यांनी या कार्यक्रमाचे अध्यक्षस्थान भूषवले. अध्यक्षीय भाषणात त्यांनी कोविड महामारीच्या काळातील महाविद्यालयाच्या या अभिनव उपक्रमाचे कौतुक केले. विज्ञान वरिष्ठ महाविद्यालयाचे प्राचार्य डॉ. शांताराम बडगुजर यांनी या कार्यक्रमाच्या आयोजनामागील भूमिका त्यांच्या प्रास्ताविकामध्ये मांडली. या कार्यक्रमामध्ये जवळपास ५० विद्यार्थ्यांनी भाग घेतला. या कार्यक्रमामध्ये रा.से.यो. जिल्हा समन्वयक (नंदुरबार) डॉ. माधव कदम, विद्यार्थी विकास जिल्हा समन्वयक (नंदुरबार) डॉ. एस. बी. पाटील , धडगाव महाविद्यालयाचे प्राचार्य डॉ. एच. एम. पाटील, आय.एम.आर.डी. चे संचालक अनिल पाटील यांनी सहभाग नोंदविला.

रा.से.यो. जिल्हा समन्वयक (नंदुरबार) डॉ. माधव कदम यांनी आभार मानले. सूत्रसंचालन विद्यार्थी विकास अधिकारी डॉ. उल्हास सोनवणे यांनी केले. या कार्यक्रमासाठी रा.से.यो. विभागाच्या कार्यक्रम अधिकारी सोनाली पाटील आणि विज्ञान वरिष्ठ महाविद्यालयाचे शिक्षक व शिक्षकेत्तर कर्मचाऱ्यांनी परिश्रम घेतले.