भारतीय शिक्षण मंडळाच्या जिल्हा शाखेतर्फे वेबिनार

या वेबिनारसाठी देवगिरी प्रांत अध्यक्ष डॉ.सर्जेराव ठोंबरे, कार्यवाह प्राचार्य डॉ.मकरंद पैठणकर, वेबिनारचे प्रमुख साधन व्यक्ती म्हणून प्रा.डॉ. माहेश्वर कालवे, प्रांत उपाध्यक्ष पंकज पाठक, सहकार्यवाह प्रा.डाॅ.उमेश शिंदे व नंदुरबार जिल्हाध्यक्ष प्राचार्य डॉ. आर.एस. पाटील उपस्थित होते.

राष्ट्रीय शैक्षणिक धोरण २०२० च्या बदलाबाबत प्रा.डॉ.कालवे यांनी अनेक बाबींवर विश्लेषण केले. देशातील शिक्षणाचे प्रमाण वाढले, शाळा व कॉलेज यांचे संख्यात्मक प्रमाणही वाढले. असे असले तरी गुणवत्तेच्या बाबतीत काही प्रश्नचिन्ह आहेत. शैक्षणिक धोरणातील ठळक बाबी जसे पूर्व प्राथमिक शिक्षणाकडे विशेष लक्ष, व्यावसायिक शिक्षणाची आवश्यकता यासह बालकांच्या जडणघडणीला पूर्वप्राथमिक शिक्षणाचे महत्त्व, शालेय शिक्षण, अंगीभूत शिक्षण म्हणून कौशल्य विकास आर्थिक विकासात मदत करण्याच्या दृष्टिकोनातून देणारे शिक्षण शैक्षणिक धोरणामुळे शक्य होणार असल्याचे सोदाहरण विषद केले. सूत्रसंचालन व कार्यक्रमाचे आयोजन प्राचार्या डॉ. लता मोरे यांनी केले.

शिक्षण मंडळाचे ध्येय श्लोक सुषमा फुलंब्रीकर, ध्येयवाक्य प्रा.रूपेश देवरे, संघटन गीत गीतांजली शिंदे, कल्याण मंत्र प्रा. आशिष सोनार, तांत्रिक सहाय्य प्रा.कैलास चौधरी यांनी तर आभार प्रा. संजय अहिरे यांनी मानले. या वेबिनारसाठी नंदुरबार जिल्ह्यातील प्राथमिक, माध्यमिक व उच्च शिक्षण क्षेत्रातील अनेक शिक्षक, प्राध्यापक, कार्यकर्ते व विद्यार्थी उपस्थित होते. सेमिनार यशस्वीतेसाठी भारतीय शिक्षण मंडळाच्या नंदुरबार जिल्हा कार्यकारिणीच्या पदाधिकाऱ्यांनी परिश्रम घेतले.