शिवजयंतीनिमित्त विविध उपक्रम

पोलीस ठाणे, अक्कलकुवा

वाण्याविहीर : अक्कलकुवा पोलीस ठाण्यामध्ये छत्रपती शिवाजी महाराज जयंती मोठ्या उत्साहाने साजरी करण्यात आली. या वेळी पोलीस निरीक्षक राजेश शिंगटे, सहायक पोलीस निरीक्षक अरविंद पाडवी, सहायक पोलीस उपनिरीक्षक ज्ञानेश्वर बडगुजर, पोलीस उपनिरीक्षक रूपाली महाजन, पोलीस उपनिरीक्षक चौधरी यांच्यासह पोलीस कर्मचाऱ्यांनी शिवाजी महाराजांच्या प्रतिमेचे पूजन केले.

राजे शिवाजी विद्यालय, नंदुरबार

नंदुरबार : येथील राजे शिवाजी विद्यालय, विद्यासागर पब्लिक स्कूल, ब्लॉसम इंटरनॅशनल स्कूल यांच्या संयुक्त विद्यमाने शाळेच्या पटांगणात मोठ्या उत्साहात प्रशासनाच्या नियमाचे आदर राखून तालुका अध्यक्ष काँग्रेस पार्टी राजेंद्र पाटील, तालुकाध्यक्ष भाजप दीपक पाटील, मराठा सेवा संघ नंदुरबार जिल्हा अध्यक्ष रमेश पाटील, हरीश हराळे, आनंदराव करनकाळ, चंद्रशेखर पाटील, भरत पाटील यांच्या हस्ते छत्रपतींची प्रतिमा पूजन व माल्यार्पण करून मोठ्या उत्साहात शिव जयंती साजरी करण्यात आली. या सोहळ्यासाठी संस्थेचे मार्गदर्शक युवराज पाटील व विद्या युवराज पाटील यांचे मार्गदर्शन लाभले. कार्यक्रमासाठी राजे शिवाजी विद्यालयाचे मुख्याध्यापक, विद्यासागर पब्लिक स्कूलचे मुख्याध्यापक, ब्लॉसम इंटरनॅशनल स्कूलच्या प्राचार्या व सर्व शिक्षक वृंद उपस्थित होते.

शहादा

शहादा : शहरात शिवजयंतीनिमित्त आयोजित कार्यक्रमात छत्रपती शिवाजी महाराज पुतळ्याचे पूजन करताना सातपुडा साखर कारखान्याचे चेअरमन दीपक पाटील, नंदुबार जिल्हा परिषद सभापती अभिजित पाटील, नगरपालिका नगरसेवक मकरंद पाटील, सामाजिक कार्यकर्ते श्याम जाधव, खरेदी-विक्री संघाचे चेअरमन सुनील पाटील, नगरसेवक संदीप पाटील, उपसरपंच अनिल भामरे, रमाशंकर माळी, किशोर मोरे, सरपंच समितीचे अध्यक्ष राजेंद्र वाघ, युवा नेते मयूर दीपक पाटील उपस्थित होते.

अ.भा.माळी महासंघ, नंदुरबार

नंदुरबार येथील अखिल भारतीय माळी महासंघातर्फे अखंड भारताचे आराध्य दैवत छत्रपती शिवाजी महाराज यांच्या ३९१ व्या जयंतीनिमित्त महाराजांच्या पुतळ्यास पुष्पार्पण करून त्यांच्या आठवणींना उजाळा देण्यात आला.

छत्रपती शिवाजी महाराज नाट्य मंदिर येथे अ.भा. माळी महासंघातर्फे शिवजयंतीनिमित्त महाराजांच्या पुतळ्यास प्रमुख पाहुणे मोहन लोटन सोनवणे, यादवराव पाटील यांच्या हस्ते पुष्पार्पण करण्यात आले. या वेळी मान्यवरांनी रयतेचे राजे छत्रपती शिवाजी महाराजांच्या शिकवणीनुसार जात, धर्म, वर्ण, लिंग, वंश देश, राज्य यांचा भेद न करता एकत्र राहून मानवी जीवन सुंदर व उदात्त बनवू या अशी संकल्पना घेऊन राजे छत्रपती शिवाजी महाराजांना वंदन केले. याप्रसंगी आकाश झाल्टे, किशोर माळी, जयेश माळी, सुनील जाधव, भावेश माळी, छोटू माळी, महासंघाचे तालुकाध्यक्ष पोपट माळी आदी उपस्थित होते. आभार महासंघाचे जिल्हाध्यक्ष मनोज गायकवाड यांनी मानले.