शहादा येथे चित्र प्रदर्शनासह विविध उपक्रम

शहादा येथील शिव छत्रपती स्मारक समितीच्या वतीने छत्रपती शिवाजी राजे चित्र प्रदर्शन भरविण्यात आले होते. प्रदर्शनाचे उद्‌घाटन नगराध्यक्ष मोतीलाल पाटील यांच्या हस्ते करण्यात आले. या वेळी उपनगराध्यक्षा रेखा चौधरी, उपविभागीय पोलीस अधिकारी श्रीकांत घुमरे, तहसीलदार डॉ. मिलिंद कुलकर्णी, जि.प.चे कृषी सभापती अभिजित पाटील, मुख्याधिकारी डॉ. राहुल वाघ, उद्योजक श्याम जाधव, शिवाजीराव पाटील, पोलीस निरीक्षक दीपक बुधवंत, हेमलता शितोळे, हिंमतराव बोरसे, डॉ. किशोर पाटील, महिला भाजप शहराध्यक्षा रोहिणी भावसार, संतोष वाल्हे, वनमला पवार आदी उपस्थित होते.

तूप बाजार गणेश मित्र मंडळ

शहरातील श्री तूप बाजार गणेश मित्र मंडळाच्या वतीने स्वामी विवेकानंद नगरलगत असलेल्या साईबाबा मंदिर परिसरात छत्रपती शिवाजी महाराजांच्या प्रतिमेचे पूजन उपविभागीय पोलीस अधिकारी श्रीकांत घुमरे यांच्या हस्ते करण्यात आले. या वेळी उद्योजक श्याम जाधव, नगरसेवक चंद्रकांत पाटील, डॉ. किशोर पाटील, प्रा.डॉ. रवींद्र कदम, विजय कदम, देवाजी बोराणे, राजेंद्र गायकवाड, गिरधर पाटील आदी उपस्थित होते. या वेळी प्रतिमा पूजन व अन्नदानाचा कार्यक्रमही झाला.

कहाटूळ येथे प्रतिमा पूजन

शहादा तालुक्यातील कहाटूळ येथील के.वाय.आर. पाटील माध्यमिक व आनंद कनिष्ठ महाविद्यालयाच्या संयुक्त विद्यमाने छत्रपती शिवाजी महाराज यांच्या प्रतिमेचे पूजन मुख्याध्यापक व्ही.बी. पाटील यांच्या हस्ते करण्यात आले. या वेळी शिक्षक कैलास पाटील, कार्यालय प्रतिनिधी ईश्वर पाटील, पी.डी. पाटील आदी उपस्थित होते.