विसरवाडी येथे लसीकरण शिबिर

विसरवाडी ग्रामपंचायत आवारात बुधवारी लसीकरण शिबिर घेण्यात आले. शिबिराच्या उद्घाटन प्रसंगी अतिरिक्त मुख्य कार्यकारी अधिकारी शेखर सैंदल, तहसीलदार मंदार कुलकर्णी, गटविकास अधिकारी सी. के. माळी, तालुका आरोग्य अधिकारी अविनाश मावची, गटविकास अधिकारी रमेश चौरे,सहाय्यक गटविकास अधिकारी बी.डी गोसावी, तसेच सरपंच बकाराम गावित आदी उपस्थित होते.

येथे लसीकरण मोहीम राबवण्यासाठी पंधरा दिवस आधीपासूनच जिल्हा परिषद प्राथमिक शाळा विसरवाडी माध्यमिक शाळा तसेच ग्रामपंचायत कर्मचारी व आशा वर्कर हे गावात प्रत्येक घरी भेट देऊन ४५ वर्षांवरील नागरिकांना लसीकरण मोहिमेत सहभागी होऊन लस घेण्याबाबत माहिती देत होते. तसेच कोरोनावर मात करण्यासाठी लस कशी प्रभावी आहे याबाबत मार्गदर्शन करीत होते.

विसरवाडी ग्रामपंचायत आवारात मोठा मंडप टाकून कोरोना महामारी बाबत असलेले आदर्श नियमांचे पालन करून सामाजिक अंतर राखत नागरिकांची लसीकरणाबाबत नोंदणी करण्यात आली तसेच शिबिरात एकूण १४१ नागरिकांना लस देण्यात आली.

लसीकरणाचा राष्ट्रीय कार्यक्रम यशस्वीतेसाठी ग्रामविकास अधिकारी कैलास सोनवणे, तलाठी नरेंद्र महाले, केंद्रप्रमुख अनिल वानखेडे, मुख्याध्यापक सुधाकर सोनार, कमलेश पाटील, तसेच प्राथमिक आरोग्य केंद्र गताडीचे वैद्यकीय अधिकारी डॉ. शीतलकुमार पाडवी, डॉ. प्रकाश सोंनजे, रवींद्र अग्रवाल वसंत वळवी, ग्रामसुरक्षा दलाची अध्यक्ष मनोज गावित, ग्रामपंचायत कर्मचारी, आशा सेविका व विसरवाडी ग्रामस्थांनी परिश्रम घेतले.

लसीकरण मोहीम राबवत असताना नागरिकांची नोंदणी करीत असताना नेटची समस्या जाणवत होती. याबाबत गर्दी होऊ नये म्हणून शासनाने योग्य ती उपाययोजना करावी असे सरपंच बकाराम गावित यांनी यावेळी सांगितले.

फोटो : विसरवाडी ता नवापूर येथे लसीकरण मोहीम मे प्रसंगी उपस्थित मान्यवर.