खोकसा येथे लसीकरण शिबिर

लसीकरण शिबिराच्या उद्घाटनप्रसंगी सरपंच रमा गावीत, संस्थेचे अध्यक्ष सुशील चव्हाण, उपसरपंच रमेश गावीत, रामदास गावीत, शिक्षण विस्तार अधिकारी पी.जी. वळवी, ग्रामविकास अधिकारी कैलास सोनवणे आदी उपस्थित होते. खोकसा हे गाव अतिदुर्गम भागात असून १२ ते १३ पाडे वस्ती असलेले डोंगरदऱ्यामधील गाव आहे. लसीकरणासाठी खोकसा येथील आरोग्य केंद्रातील, जिल्हा परिषद शाळा व आश्रमशाळेतील शिक्षकांनी कोरोना प्रतिबंधक लसीकरणाबाबत प्रत्येक पाड्यात घरोघरी जाऊन जनजागृती केली. त्यामुळे डोंगरदरीतील गाव असूनही येथील शिबिरात ७० नागरिकांनी लसीकरण करून घेतले व उत्तम प्रतिसाद दिला.

यावेळी तहसीलदार मंदार कुलकर्णी, गटविकास अधिकारी सी.के. माळी, ग्रामपंचायत विस्तार अधिकारी संजय पाटील यांनी मार्गदर्शन केले. लसीकरण यशस्वीतेसाठी केंद्रप्रमुख पवार, आश्रमशाळेचे प्राथमिक मुख्याध्यापक पंकज होडगर, डी.बी. गावीत, के.आर. महाले, एम.एम. अहिरे, एम.एफ. वसावे, पी.व्ही. मावची, पी.व्ही. गावीत, अधीक्षिका जे.जे. गावीत, लिपीक लहू वळवी, उषा गावीत, आरोग्य विभागाचे परिचारिका, आरोग्य सेवक खोकसा, शिक्षक सुनील पाटील यांनी परिश्रम घेतले.