भरधाव ट्रकच्या धडकेत दोंडाईचा येथील दुचाकीस्वार युवक ठार

नंदुरबार : भरधाव ट्रकने धडक दिल्याने दोंडाईचा येथील दुचाकीस्वार ठार झाल्याची घटना अक्कलकुवानजीक घडली. याबाबत अक्कलकुवा पोलीसात गुन्हा दाखल करण्यात आला आहे.

भूषण सुभाष पाटील,(२१) रा.मालपूर रोड, दोंडाईचा असे मयताचे नाव आहे. पाटील हा युवक आपल्या दुचाकीने (क्रमांक एमएच १८- बीएस ७५३१) तळोदाकडून अक्कलकुवाकडे जात होता. अक्कलकुवानजीक त्याच्या दुचाकीला भरधाव ट्रकने (क्रमांक जीजे १२ एझेड ०००९) धडक दिली. त्यात भूषण यास जबर मार लागल्याने त्याला उपचारासाठी रुग्णालयात दाखल करण्यात आले. उपचार घेतांना त्याचा मृत्यू झाला.

याबाबत पुंडलीक सुकलाल पाटील यांनी फिर्याद दिल्याने ट्रक चालक ईस्माईल मिठ्ठू रायमा, रा.कच्छभूज यांच्याविरुद्ध अक्कलकुवा पोलीस ठाण्यात गुन्हा दाखल करण्यात आला. तपास फौजदार चौधरी करीत आहे.