नंदुरबार व शहादा येथे चोरीच्या उद्देशाने फिरणारे दोघे जेरबंद

नंदुरबार : शहरासह शहादा येथे चोरीच्या उद्देशाने फिरणाऱ्या दोघांना पोलिसांनी अटक केली. याप्रकरणी नंदुरबार व शहादा पोलीस ठाण्यात गुन्हा दाखल करण्यात आला आहे.

नंदुरबार येथील राजपूत पेट्रोलपंपाच्या मागील बाजूस असलेल्या अनिलनगर भागात १९ रोजीच्या मध्यरात्री चंपालाल चंद्रसिंग पावरा(रा.मलोणी, ता.शहादा) हा घराच्या आडोशाला लपत असल्याचे गस्ती पथकाला आढळले. त्याला शिताफीने अटक करून त्याची झडती घेतली असता त्याच्याकडे दोन स्क्रू ड्रायव्हर मिळून आले. पोलीस कर्मचारी अभय राजपूत यांच्या फिर्यादीवरून शहर पोलिसांत गुन्हा दाखल करण्यात आला. तपास हवालदार संदीप गोसावी हे करीत आहेत.

दुसरी घटना शहादा येथे घडली. वळण रस्त्यावरील बसस्थानक परिसरातील वसाहतीत घडली. प्रभाकर राजेंद्र सिंग (रा.गोविंदनगर, शहादा) हा मध्यरात्री लपलेला आढळला. त्याला शिताफीने पोलिसांनी अटक केली. याबाबत पोलीस कर्मचारी कृष्णा जाधव यांच्या फिर्यादीवरून प्रभाकर राजेंद्रसिंग याच्याविरुद्ध शहादा पोलीस ठाण्यात गुन्हा दाखल केला आहे. तपास पोलीस कर्मचारी जगदीश पाटील करीत आहेत.