सारंगखेड्यात वाळू वाहतूक करणारी तीन वाहने जप्त

लोकमत न्यूज नेटवर्क
सारंगखेडा : गुजरात राज्यातीत वाळू वाहतूक जिल्हा हद्दीतून न करता ती जिल्हा सीमा व जिल्ह्यांतर्गत रस्ते वगळून इतर बाहेरील मार्गाने करावी, असे निर्देश जिल्हाधिकाऱ्यांनी दिले असतानाही सारंगखेडा येथील नाकेबंदीवर महसूल विभागाने वाळू वाहतूक करणारी तीन वाहने जप्त केली.
गुजरात राज्यातील तापी नदीमधून होणाºया वाळू उपशाची वाहतूक कोरोना संक्रमित भागात होत असल्याने तसेच जिल्ह्यात या वाळुमुळे एक रुपयाचाही महसूल मिळत नसताना जिल्ह्यातील रस्त्यांची दुर्दशा होत असून अपघातही होत आहेत. त्यामुळे जिल्हाधिकाऱ्यांनी बंदी घातली आहे.
मात्र रात्री-बेरात्री गुजरातहून जिल्ह्यात प्रवेश करून महाराष्ट्रात वाळू वाहतूक होत आहे. १७ जून रोजी रोजी सारंगखेडा येथे तापी नदीच्या पुलाजवळ नाकाबंदीच्या ठिकाणी रात्री उशिरा तीन वाहने महसूल विभागाने जप्त केली. ही कारवाई मंडळ अधिकारी जुबेर पठाण, तलाठी संजय मालपुरे, भुपेंद्र राजपूत, संजय कोळी यांनी केली. तिन्ही वाहने जप्त करून सारंगखेडा पोलीस ठाण्याच्या आवारात जमा केले आहेत.
चार वाहनांवर दंडात्मक कारवाई
गेल्या आठवड्यातही गुजरातमधील वाळू जिल्ह्यात बंदी असतानाही वाळू वाहतूक केल्याप्रकरणी मंडळ अधिकारी जुबेर पठाण यांच्या फिर्यादीवरुन गुन्हा दाखल करण्यात आला होता. या वाहनधारकांकडे बंदीपूर्वीची रायल्टी पावती असल्याने न्यायालयाने प्रत्येक वाहन चालकाना एक हजार २०० रुपये दंडांची कारवाई केली आहे.