शहादा व अक्कलकुवा येथे चोरीचे सत्र, दोन ठिकाणी चोरी, चार ठिकाण प्रयत्न

नंदुरबार : जिल्ह्यात घरफोडीचे सत्र पुन्हा सुरू झाले आहे. अक्कलकुवा व शहाद्यात घरफोडीत हजारोंचा ऐवज लंपास झाला आहे. तर शहाद्यात चार ठिकाणी चोरीचा प्रयत्न झाला आहे. सायंकाळी सात ते सकाळी सहा वाजेपर्यंत संचारबंदी राहत असल्याने या मोठ्या कालावधीत चोरटे आपला हेतू साध्य करीत असल्याचे चित्र आहे.

अक्कलकुवा येथे शिवनेरी चौकातील ओमशांती मोबाईल दुकानातून चोरट्यांनी ११ हजार ७५० रुपयांचा मुद्देमाल लंपास केला. दुकानाचे शटर उचकवून चोरट्यांनी आत प्रवेश केला. तीन मोबाईल, दहा चार्जर एक एअरफोन असा एकुण ११ हजार ७५० रुपयांचा मुद्देमाल लंपास केला. याबाबत कुलदीप मदनलाल टाक यांनी फिर्याद दिल्याने अक्कलकुवा पोलीस ठाण्यात चोरीचा गुन्हा दाखल करण्यात आला आहे. तपास फौजदार सुरेश चौधरी करीत आहे.

६६ हजाराचा ऐवज लंपास

दुसरी घटना शहादा येथे घडली. शहरातील दशरथ नगरातील साहेबराव दौलत कोळी यांच्या बंद घराचे कुलूप तोडून ६६ हजार रुपयांचा मुद्देमाल चोरून नेला. सकाळी चोरीची ही घटना लक्षात आली. याबाबत साहेबराव कोळी यांनी फिर्याद दिल्याने शहादा पोलीस ठाण्यात चोरीचा गुन्हा दाखल करण्यात आला आहे.

तेलाचे बॅरेल लंपास

शहादा शहरातीलच नवीन भाजीपाला मार्केट या भागातील किराणा दुकानात बाहेर ठेवण्यात आलेले सोयाबीन तेलाचे दोन बॅरल चोरट्यांनी चोरून नेेले.

प्रत्येक बॅरल मध्ये १८० किलो तेल होते. त्यांची किंमत ६० हजार रुपये आहे. यापूर्वीदेखील शहरात तेलाचे बॅरेल चोरीला गेले आहेत.

चार ठिकाणी प्रयत्न

याच सोबत शहरातील सरदार वल्लभभाई पटेल मार्केट मनोरंजन चित्रमंदिर जो लागून असलेल्या धनराज अँड कंपनी या होलसेल किराणा दुकानातून दहाचा रुपयाच्या नोटा तसेच एक व दोन रुपयांची चिल्लरची नाणी, एक भ्रमणध्वनी हँडसेट चोरांनी चोरून दिलेला आहे. या दुकानासमोरील मनोहर साडी दुकानाचे सेंट्रल लॉक तोडून आत मध्ये चोरी करण्याच्या प्रयत्न केलेला आहे.

याच दुकानाला लागून असलेल्या मंजूर टेलर या ट्रेनिंग व्यवसायाच्या दुकानातून शिवणकाम करण्यासाठी आलेले कपडे चोरीला गेलेले आहेत. एकाच दिवशी चार ते पाच ठिकाणी चोरट्यांनी चोरीचा करण्याचा प्रयत्न केलेला आहे. त्यामुळे खळबळ उडाली आहे.