वर्षभर सदस्यांनी प्रश्न विचारले सत्तर, तरीही अधिकारी देईनात समर्पक उत्तर

दरम्यान, पुढील विषयांवर चर्चा सुरू असताना विषय सुरू असताना ओहवा, ता. अक्कलकुवा येथील प्राथमिक आरोग्य केंद्र इमारतीच्या दुरुस्तीचा मुद्दा समोर आल्यानंतर ही इमारत ठेकेदाराने हस्तांतरित केलेली नसताना तिची दुरुस्ती करण्याच्या आरोग्य विभागाच्या प्रस्तावावर सदस्यांनी आक्षेप घेतला. या आक्षेपात या आरोग्य केंद्रात वैद्यकीय अधिकारी हे निवासी नसल्याच्या तक्रारी करण्यात आल्या. दरम्यान, ही इमारत चुकीच्या पद्धतीने बांधणाऱ्या ठेकेदारावर कारवाई करण्याची मागणी सदस्यांकडून करण्यात आली. यादरम्यान ही इमारत उभारणाऱ्या ठेकेदाराला ब्लॅक लिस्ट करणार असून, थर्ड पार्टी ऑडिट करण्याचे आदेश मुख्य कार्यकारी अधिकारी गावडे यांनी दिले. हा प्रस्ताव नामंजूर करण्यात आला आहे. या विषयांवर चर्चा सुरू असताना सदस्य जितेंद्र पाडवी यांच्याकडून अक्कलकुवा ग्रामपंचायतीत करण्यात आलेल्या पाच कोटी रुपयांच्या गैरव्यवहाराच्या चाैकशी समितीच्या कामकाजाची माहिती मागविण्यात आली. त्यावर उत्तर देताना मुख्य कार्यकारी अधिकारी गौडा यांनी अहवाल अपूर्ण होता, तो नव्याने मागवून कामकाज केले आहे. संबंधित दोषींना नोटिसा दिल्या असून, येत्या आठ दिवसांत त्यांच्यावर फौजदारी कारवाई होण्याची शक्यता वर्तविली.

महिला बालविकास विभाग, आदिवासी उपयोजना क्षेत्रात नवीन रस्ते, नवीन अंगणवाड्यांचे बांधकाम, वैद्यकीय साहित्य खरेदी, दिव्यांगांसाठी विविध सोयीसुविधा देणे, अंगणवाड्यांतील बालकांना गणवेश, नवीन हातपंप आदी २८ विषय मंजूर करण्यात आले. शेवटी ११ विभागांचा विभागवार आढावा घेण्यात आला.