आदिवासी आश्रम शाळांच्या सुसज्ज इमारतींमध्ये विलगीकरण कक्ष उभारा : कांतिलाल टाटिया

By लोकमत न्यूज नेटवर्क | Updated: April 21, 2021 04:30 IST2021-04-21T04:30:32+5:302021-04-21T04:30:32+5:30

आदिवासी भागात घरांची रचना पाहता होमक्वारंटाईन म्हणजे मोठ्या प्रमाणात कोविडचा विस्तार करणारी योजना ठरणार आहे. ज्या ठिकाणी आदिवासी विभागाच्या ...

Set up segregation rooms in well-equipped tribal ashram school buildings: Kantilal Tatia | आदिवासी आश्रम शाळांच्या सुसज्ज इमारतींमध्ये विलगीकरण कक्ष उभारा : कांतिलाल टाटिया

आदिवासी आश्रम शाळांच्या सुसज्ज इमारतींमध्ये विलगीकरण कक्ष उभारा : कांतिलाल टाटिया

आदिवासी भागात घरांची रचना पाहता होमक्वारंटाईन म्हणजे मोठ्या प्रमाणात कोविडचा विस्तार करणारी योजना ठरणार आहे. ज्या ठिकाणी आदिवासी विभागाच्या आश्रमशाळा सुसज्ज इमारतीसह आहेत व तेथेच प्राथमिक आरोग्य केंद्रसुद्धा आहे, अशा ठिकाणी विलगीकरण कक्ष उभारून आसपासच्या अनेक रुग्णांची तेथे सोय होऊ शकते. आश्रमशाळेच्या असलेल्या सेटअप सुरू करून दोन वेळचा सकस आहार, तसेच फळे, रोगावरील प्राथमिक उपचार, रोगप्रतिकर शक्ती वाढवणारी औषधेदेखील व्यवस्थित देता येतील. हा सर्व खर्च आदिवासी विभागाला आपल्या विविध योजनांतून करता येणे सहज शक्य आहे. प्राथमिक आरोग्य केंद्र लगत असल्याने विलगीकरण कक्षात वैद्यकीय देखरेख ठेवणे सुलभ जाणार आहे. म्हणून तातडीने हा निर्णय घ्यावा.

तसेच ज्या गावात पाचपेक्षा जास्त रुग्ण पॉझिटिव्ह सापडतील, त्या संपूर्ण गावाची तपासणी करून "रुग्ण शोध मोहीम" अधिक तीव्र करावी, जेणेकरून प्राथमिक स्वरुपातच रुग्ण सापडतील. त्यांच्यावर उपचार करणे सोपे जाणार आहे. आदिवासी भागात सुसज्ज इमारतीत प्राथमिक आरोग्य केंद्र आहेत, तेथे विलगीकरण कक्ष सुरु करावेत व कोविडवर मात करण्यासाठी निर्णय घेतला जावा, अशी मागणी पत्रकात करण्यात आलेली आहे.

Web Title: Set up segregation rooms in well-equipped tribal ashram school buildings: Kantilal Tatia

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.