पटेल कृषी महाविद्यालयातर्फे शेतकऱ्यांसाठी चर्चासत्र

प्रयोगशील व प्रगतीशील शेतकऱ्यांचा अनुभव इतर शेतकऱ्यांना व कृषी क्षेत्रात कामी यावा आणि त्यापासून शेतकऱ्यांच्या उत्पादनात वाढ व्हावी यासाठी संस्थेचे समन्वयक प्रा.मकरंद पाटील यांच्या मार्गदर्शनाखाली शेतकरी परिसंवादाचे आयोजन करण्यात येते. पिपळोद येथील प्रयोगशील शेतकरी योगेश पटेल यांना या परिसंवादासाठी प्रमुख वक्ते म्हणून आमंत्रित करण्यात आले होते. पटेल यांनी मिरची उत्पादनासह इतर पिकांबाबत आपले अनुभव मांडत मार्गदर्शन केले. या संकल्पनेअंतर्गत कृषी महाविद्यालयाने परिसरातील नऊ गावे दत्तक घेतले असून प्रत्येक गावात एक कृषी मित्र व एक शिक्षक पाठवून परिसरातील शेतकऱ्यांना मार्गदर्शन व सहकार्य केले जाते. परिसंवादांमध्ये सर्व नऊ गावातील शेतकऱ्यांना एकत्रित बोलावून कृषीविषयक विविध अनुभव व विज्ञान याआधारे शेती उत्पन्न कसे वाढवावे? यासाठी मार्गदर्शन केले जाते. कृषी विकासासाठी अत्यावश्यक असणाऱ्या आधुनिक यंत्रणा तसेच शास्त्रीय पद्धती व ज्ञान याची माहिती या परिसंवादाद्वारे शेतकऱ्यांना प्राप्त होते. मंडळाचे अध्यक्ष दीपक पाटील, उपाध्यक्ष जगदीश पाटील, सचिव कमलताई पाटील, समन्वयक पी.आर. पाटील, प्रा.मकरंद पाटील, प्राचार्य डॉ.पी.एल. पटेल यांच्या मार्गदर्शनाखाली उपक्रम यशस्वी करण्यासाठी प्राध्यापक व कर्मचारी परिश्रम घेत आहेत.