कोरोना काळात ‘शाळा बंद, पण शिक्षण नाही’ उपक्रम

अनलॉक लर्निंग

स्टडी फ्रॉम होमला बसणारा इंटरनेट कनेक्टिव्हिटीचा खोडा यावर पर्याय म्हणून अनलॉक लर्निंग अंतर्गत आश्रमशाळेतील शिक्षकांनी विद्यार्थ्यांच्या घरी जाऊन त्यांना पाठ्यपुस्तक वितरित केले व गृहपाठ दिला, तसेच अध्यापनही केले. विद्यार्थ्यांना मागील शिकलेल्या मराठी, इंग्रजी, गणित व परिसर अभ्यास व विज्ञान या विषयांच्या मूलभूत क्षमतांवर आधारित कार्यपुस्तिका व सहशालेय उपक्रमांसाठी कृतिपुस्तिका विद्यार्थ्यांना घरपोच उपलब्ध करून देण्यात आली होते. याशिवाय ‘अनलॉक लर्निंग’ या उपक्रमात आश्रमशाळेतील प्रत्येक विद्यार्थ्याला एक ‘लर्निंग किट’ दिली जाणार आहे. या लर्निंग किटमध्ये कार्यपुस्तिका, कृतिपुस्तिका, पाठ्यपुस्तके, पेन, पेन्सिल खोडरबर, शॉपनर व स्कूल बॅग यांचा समावेश आहे; मात्र विद्यार्थ्यांना केवळ क्रमिक पाठ्यपुस्तकेच आतापर्यंत मिळाली; मात्र बाकीच्या वस्तू अद्याप मिळू शकल्या नाहीत. मोठा गाजावाजा करून सुरू केलेली अनलॉक लर्निंग ही योजना शिक्षकांच्या खर्चातूनच आतापर्यंत राबवण्यात आली आहे. विद्यार्थी व शिक्षकांनी स्वतःच्या खर्चातून विद्यार्थ्यांच्या गाव-पाड्यावर वेळप्रसंगी पायी जाऊन विद्यार्थ्यांना अध्यापन केले; मात्र विभागाकडून मिळणाऱ्या कार्यपुस्तिका व लर्निंग किट अद्याप उपलब्ध होऊ न शकल्याने हा उपक्रम पूर्णपणे यशस्वी होऊ शकला नाही.