महसूल प्रशासन, पोलीस व नगरपालिका प्रशासनातर्फे वऱ्हाडींवर २६ हजारांची दंडात्मक कारवाई

शहादा शहराला लागून असलेल्या मंगल कार्यालयावर गेल्या दोन दिवसांपासून महसूल प्रशासन, पोलीस प्रशासन व नगरपालिका प्रशासनाकडून भरारी पथक नेमून दंडात्मक कारवाई होत असल्याने मंगल कार्यालय मालकांमध्ये भीतीचे वलय निर्माण झाले आहे? लग्न सोहळा व खासगी कार्यक्रमास मंगल कार्यालय भाड्याने द्यावे किंवा नाही? अशा द्विधा मनःस्थितीत असताना प्रशासनाकडून दंडात्मक कारवाई सुरू असल्याने मंगल कार्यालय आता बंद केल्याशिवाय पर्याय उरलेला नाही? प्रशासनाने सुरू केलेल्या धडक मोहिमेच्या माध्यमातून दंडात्मक कारवाई सुरू केल्याने मंगल कार्यालय तात्पुरते बंद ठेवावीत, असा निर्णय मंगल कार्यालय मालकांना घ्यावा लागणार आहे?

मंगल कार्यालय बंद झाले असले तरी अनेक विवाह सोहळा व सामाजिक कार्यक्रम मोकळ्या जागेवर वऱ्हाडी मंडळी, नातेवाईक, आप्तेष्ट यांच्या उपस्थितीत, मोठ्या संख्येचा उपस्थितीत कार्यक्रमाचे आयोजन सुरूच आहे, अशा या कार्यक्रमांवर पोलीस प्रशासन व महसूल प्रशासन कारवाई करणार का? असा प्रश्न मंगल कार्यालय धारक व सामान्य जनता उपस्थित करीत आहेत.

कोविड १९ च्या उपाय योजनांतर्गत विविध सुरक्षा उपाययोजनांचे आदेश दिले असून, या आदेशाचे उल्लंघन झाल्याने हा दंडात्मक कारवाई करण्यात आल्याची माहिती शहादा पोलीस निरीक्षक दीपक बुधवंत यांनी दिलेले आहे. दरम्यान जिल्ह्यात प्रथमच विवाह सोहळ्यात वऱ्हाडी मंडळीने चेहऱ्यावर मार्क्स न लावणे ५० पेक्षा जास्त वऱ्हाडी मंडळी लग्न सोहळ्यास उपस्थित राहणे या कारणामुळे जिल्ह्यात प्रथमच दोन मंगल कार्यालयांवर दंडात्मक कारवाई करण्यात आलेली आहे. शहादा शहरात व परिसरात लग्न सोहळा व सामाजिक उपक्रम असलेल्या ठिकाणी ५० पेक्षा जास्त लोकांची उपस्थिती व चेहऱ्यावर मास न लावणे आढळून आल्यास कारवाई करण्यात येणार असल्याचे शहादा पोलीस निरीक्षक दीपक बुधवंत यांनी सांगितले.