वंजारी सेवा संघातर्फे सत्कार समारंभ

अध्यक्षस्थानी भटके-विमुक्त हक्क परिषदेचे प्रदेश संघटक सुपडू खेडकर, तर प्रमुख अतिथी म्हणून पेन्शनर संघटनेचे जिल्हाध्यक्ष मधुकर साबळे, वेतनपथक अधीक्षक मीनाक्षी गिरी, तालुका कृषी अधिकारी अनिल कागणे व्यासपीठावर उपस्थित होते. यावेळी पुरुषोत्तम काळे व त्यांचे लहान भाऊ प्रा. डॉ. विठ्ठल काळे यांनी नुकतीच पीएच. डी. पदवी प्राप्त केल्याबद्दल त्यांचाही सपत्नीक सत्कार करण्यात आला. भटके विमुक्त प्रवर्गातील ५३ जाती-जमातींचे संघटन उभारून त्यांच्या न्याय्य हक्कांसाठी चळवळीच्या माध्यमातून मेळावे, आंदोलने व निवेदने देऊन समाजाच्या प्रश्नांना वाचा फोडून भटके विमुक्तांच्या चळवळीला आलेली मरगळ झटकून नवसंजीवनी देण्याचे कार्य पुरुषोत्तम काळे यांनी केले आहे. भटके विमुक्तांचे प्रश्न राष्ट्रीय स्तरावर मांडण्याची अपेक्षा खेडकर यांनी व्यक्त केली. मीनाक्षी गिरी, भटके विमुक्त हक्क परिषदेचे जिल्हाध्यक्ष रामकृष्ण मोरे, युवा आघाडीचे जिल्हाध्यक्ष रवी गोसावी, शिक्षक परिषदेचे तालुका अध्यक्ष मधुकर नागरे यांनीही मनोगत व्यक्त केले.

शिक्षक व सामाजिक चळवळीत काम करताना मिळालेली प्रत्येक जबाबदारीला न्याय देण्याचा प्रामाणिक प्रयत्न करीत मिळालेली जबाबदारी ही सामान्यांचे प्रश्न सोडवण्यासाठी आहे, हे समजून वंचित, उपेक्षित समाजाचे प्रश्न शासनदरबारी मांडून त्यांना वाचा फोडण्याचे कार्य सातत्याने चिकाटीने केल्याने राष्ट्रीय स्तरावर काम करण्याची दुसऱ्यांदा संधी मिळाल्याचे पुरुषोत्तम काळे यांनी सांगितले. प्रास्ताविक राकेश आव्हाड यांनी केले. सूत्रसंचालन रामकृष्ण बागल यांनी, तर आभार शरद घुगे यांनी मानले. कार्यक्रमाचे संयोजन आबा बच्छाव, नितेंद्र चौधरी, किरण घरटे, चेतना चावडा, मधुकर नागरे, मनोज चौधरी, अनिल देवरे, प्रदीप पाटील, संदीप काकुस्ते, गणेश अचिंतलवार, संदीप खेडकर, रवींद्र भाबड, भाऊसाहेब वंजारी, बाबा आव्हाड आदींनी केले.