गर्दीच्या ठिकाणी मास्कला प्राधान्य

लोकमत न्यूज नेटवर्क
नंदुरबार : कोरोनाचा प्रसार रोखण्यात सॅनेटायझर आणि मास्क या दोन वस्तू सध्या गरजेच्या ठरत आहेत़ यातील सॅनेटायझर्स बाजारात विक्री होत असले तरी एन-९५ हा सर्वात सुरक्षित मास्क मात्र उपलब्ध होत नसल्याची स्थिती जिल्ह्यात असल्याची माहिती समोर आली आहे़
जिल्ह्यात कोरोनाचा अद्याप एकही रुग्ण आढळून आला नसला तरी प्रशासन दक्षता घेत आहे़ यात प्रामुख्याने मास्क आणि सॅनेटायझर यांचा वापर कसा करावा याबाबत माहिती देणे सुरु आहे़ परंतू जिल्ह्यातील बहुतांश भागात कापडापासून तयार केलेले किंवा सर्जिकल मास्कची विक्री करण्यात येत आहे़ परंतू सर्वाधिक परिणामकारक अशा एन-९५ या मास्कची विक्री मात्र जिल्ह्यात होत नसल्याचे चित्र आहे़ शासनाकडूनही जिल्हा रुग्णालयात केवळ ३०० मास्क देण्यात आल्याचे सांगण्यात आले आहे़ यामुळे नागरिक सर्जिकल मास्क किंवा कापडी मास्कचा वापर करत आहेत़ हे मास्क गर्दीच्या ठिकाणी वापरणे योग्य असल्याचे इंडियन मेडिकल असोसिएशनने कळवले आहे़ दरम्यान निर्माण झालेल्या मास्कच्या टंचाईमागे काळाबाजार असण्याची शक्यता वर्तवली जात आहे़ परंतू गेल्या काही दिवसात भारताने चीनमध्ये टी-९५ मास्क पाठवल्याने येथे त्याची टंचाई निर्माण झाल्याची माहिती होलसेल विक्रेते देत आहेत़ यामुळे इतर मास्कची विक्री वाढत असल्याचे सांगण्यात आले आहे़

काय आहे एन-९५
सामान्यता बाजारात तीन लेयर असलेले सर्जिकल मास्क मिळतात़ हे वापरुन फेकता येतात़ एन-९५ हा शंभर टक्के सुरक्षा प्रदान करणारा व नियमित वापरात येणारा असल्याने त्याला मागणी आहे़ कापडी मास्क किंवा सर्जिकल मास्क हे गर्दीच्या ठिकाणी वापरणे योग्य असले तरी सर्वच डॉक्टर एन-९५ या मास्कलाच प्राधान्य देतात़ परंतू जिल्ह्यात हा मास्क उपलब्ध होत नसल्याचे सांगण्यात आले आहे़ जिल्ह्यातील होलसेल व्यापाऱ्यांनी मागणी नोंदवूनही त्यांच्यापर्यंत मास्क येत नसल्याची माहिती देण्यात आली आहे़

दरम्यान जिल्ह्यात परदेशातून तसेच उत्तरेकडील राज्यातून येणाºया नागरिकांची तपासणी करण्याबाबत इंडियन मेडिकल असोसिएशनच्या जिल्हा शाखेने पुढाकार घेतला आहे़ रुग्ण संशयित आढळल्यास सदस्य डॉक्टर सिव्हीलला माहिती देऊन पुढील उपचारांसाठी रवाना करत आहेत़ आयएमएकडून जिल्ह्यात जागृती सुरु करण्यात आली आहे़