पुसंनद ते देऊर-कमखेडा रस्त्याची दयनीय अवस्था

पुसनद ते कमखेडा हा १० किमी अंतराचा रस्ता मुख्यमंत्री ग्राम सडक योजनेच्या माध्यमातून दर्जेदार स्वरूपात तयार होणे अपेक्षित होता. पण तसे न होता रस्त्याचे काम करताना डांबर व खडीचा योग्य प्रमाणात न केल्याने रस्त्यावर ठिकठिकाणी तड्डे पडून रस्ता खचत असल्याचे दिसून येत आहे. तसेच रस्त्याच्या दुतर्फा काटेरी झाडेही मोठ्या प्रमाणात वाढले आहे.

हा रस्ता कमखेडा, देऊर कळंबू येथील नागरिकांना व वाहनचालकांना शहादा येथे तालुक्याच्या ठिकाणी जाण्यासाठी सोयीचा असल्याने नेहमीच मोठ्या प्रमाणात वाहनांची वर्दळ असते‌. परिणामी वाहनचालकांना रस्त्यावरून प्रवास करताना खड्डे चुकवत प्रवास करावा लागत आहे. तसेच रस्त्याच्या दुतर्फा काटेरी झाडे झुडपे मोठ्या प्रमाणात वाढलेली आहे. यामुळे समोरून येणारे वाहन चालकांना दिसत नसल्याने अडचणीचे ठरत आहे. तरी या रस्त्यावरील खड्ड्यांची डागडुजी करून दुतर्फा वाढलेले काटेरी झाडे झुडपे काढण्यात यावीत, अशी मागणी वाहनधारक व नागरिकांकडून करण्यात येत आहे. दरम्यान, संबंधित वरिष्ठ अधिकाऱ्यांनी याकडे गांभीर्याने लक्ष देऊन त्वरित उपाययोजना कराव्यात, अशी अपेक्षा व्यक्त केली जात आहे.