शहाद्यात ७७ जणांवर पोलिसांची कारवाई

लोकमत न्यूज नेटवर्क
शहादा : विनाकारण शहरात मोटरसायकलींवर फिरणाऱ्या व गर्दी करणाऱ्यांसह कायदा आणि नियमांचे उल्लंघन करणाºया नागरिकांवर पोलिसांतर्फे कारवाई करण्यात आली आहे. या वेळी ४० मोटरसायकल स्वार, ३७ जण मास्क व सोशल डिस्टन्सिंगचे नियम न पाळण्यांवर सायंकाळी उशिरापर्यंत दंडात्मक कारवाई करण्यात आल्याची माहिती पोलिसांनी दिली.
नंदुरबार जिल्हा आॅरेंज झोनमध्ये असला तरी ज्या भागात जास्त रूग्ण सापडले आहेत त्या भागात सर्वांना निर्बंध लावण्यात आलेले आहे. शहादा शहरात नऊ कोरोणाचे पॉझिटिव्ह रूग्ण सापडले होते. त्याअनुषंगाने प्रभाग क्रमांक सात, प्रभाग क्रमांक चार व प्रभाग क्रमांक दोन हे सर्व परिसर कंटेन्टमेंट झोन असून, या परिसरात सर्वांना येण्यास बंदी आहे. या वेळी जिल्हाधिकाºयांच्या आदेशान्वये काही नियम शिथिल करण्यात आले आहेत. त्यामुळे नागरिकांची गर्दी व्हायला लागली. मंगळवारी नियमांचे उल्लंघन करीत नागरिकांनी मोठ्या प्रमाणात गर्दी केल्यामुळे प्रशासन हतबल झाले होते. हा सारा प्रकार बघता बुधवारी पोलिसांनी कारवाई सुरू केली आहे.
शहरात विनाकारण मोटरसायकलींवर फिरणारे तसेच डबलसीट मोटरसायकलस्वार, मास्क न लावलेले नागरिक व सार्वजनिक ठिकाणी गर्दी करणाºयांवर पोलिसांनी आपला खाक्या दाखवला. कोणीही आता विनाकारण कायद्याचे उल्लंघन करेल तर त्याच्यावर कारवाई करण्यात येईल असा इशारादेखील पोलीस प्रशासनातर्फे देण्यात आला आहे. पोलीस निरीक्षक किसन नजन पाटील यांनी स्वत: कारवाई केली. स्टेट बँक परिसर, बस स्थानक परिसर, जुने तहसील कार्यालय या भागात कारवाई करून ४० मोटारसायकली जप्त केल्या आहेत. सायंकाळी या सर्व मोटरसायकलस्वारांकडून प्रत्येकी हजार ते दोन हजार रूपये दंड वसूल केला जाणार असल्याचे सांगितले.
पोलीस प्रशासनाने लावलेल्या निर्बंधाचे पालन करावे, विनाकारण बाजारात गर्दी करू नये, मोटरसायकलीवर डबल सीट फिरू नये, शहरातली परिस्थिती बघता नागरिकांनी पोलीस प्रशासनास सहकार्य करावे, कायद्याची पायमल्ली केल्यास यापुढे कडक कारवाई करण्यात येईल, अशी माहिती पोलीस निरीक्षक किसन नजन पाटील यांनी दिली. पोलिसांनी बुधावारी कारवाई केल्यानंतर दुपारी रस्त्यांवर शांतता निर्माण झालेली दिसून आली.