भाजीपाला विक्रेत्यांसाठी नंदुरबारात जागा निश्चित

नंदुरबार : सामाजिक अंतर राखणे सुलभ व्हावे आणि वाहतुकीवर नियंत्रण ठेवण्यासाठी फळे व भाजीपाला विक्रेत्यांसाठी प्रशासनाकडून १२ एप्रिलपासून ठिकाणे निश्चित करण्यात आली आहेत.

निश्चित केलेली ठिकाणे अशी-शिवाजी नाट्यमंदिर ते मोठा मारुती मंदिर, अंधारे चौक, जुन्या कोर्टासमोर, तालुका क्रीडा संकुल मैदान, गिरिविहार गेट, कोरीट नाका, आयएमए चौक, सिंधी कॉलनी जवळ, जगतापवाडी बायपास व कन्यादान चौक.

या ठिकाणी भाजीपाला आणि फळेविक्रेते यांनी बसून अथवा हातगाडीवर आपापले व्यवसाय करावे. भाजीपाला व फळांच्या हातगाड्या/ लोटगाड्या यांना निवासी वसाहतीमध्ये फिरून विक्री करता येईल. मात्र, शहरातील मध्यवर्ती ठिकाणे जसे मंगळ बाजार, जळकाबाजार, हाट दरवाजा, शास्त्री मार्केट या ठिकाणी व्यवसाय करता येणार नाही, असे प्रशासनाने कळविले आहे.