वाहिकेत ऐनवेळी उपचारामुळे वाचले प्राणरुग्ण

लोकमत न्यूज नेटवर्क
नंदुरबार : अपघात किंवा आपत्कालीन परिस्थीतीमध्ये जखमी झालेल्या रुग्णांना तातडीने वैद्यकीय मदत करण्यासाठी सुरू झालेली १०८ रुग्ण सेवेचा तत्पर सेवेचा प्रत्यय नंदुरबारात पहावयास मिळाला.
पथराई ता. नंदुरबार येथून रात्री १२ वाजेच्या सुमारास डिलिव्हरी पेशंटसाठी कॉल आला होता. डॉ. तजम्मुल हुसेन आणि रुग्णवाहिका चालक आरीफ बेग हे रुग्णाला घेवुन येत असतांना पथराई रस्त्यावर एक जण रक्तबंबाळ अवस्थेत पडलेला दिसला. त्याची दुचाकी (क्रमांक एम. एच. ३९ एए ५५६०) स्लिप झाल्या मुळे डोक्याला जबर मार लागुन जखमी झाला होता. रुग्णवाहिकेच्या डॉक्टर आणि चालकाने जखमीला बघुन रस्त्याच्या बाजुला रुग्णवाहिका लावुन त्याला त्वरित प्रथमोपचार केल्यानंतर पुढील उपचारासाठी नंदुरबार जिल्हा रुग्णालयात दाखल केले. त्याचे प्राण वाचले असून नातेवाईकांनी समाधान व्यक्त केले.