काणे गर्ल्स हायस्कूलमध्ये चित्रकला स्पर्धा

ग्रामपंचायत, प्रकाशा

प्रकाशा येथील ग्रामपंचायतीमध्ये शिवजयंती उत्साहात साजरी करण्यात आली. प्रारंभी मान्यवरांच्या हस्ते प्रतिमा पूजन करण्यात आले. याप्रसंगी सरपंच सुदाम ठाकरे, उपसरपंच भरत पाटील, ग्राम विकास अधिकारी बी.जी. पाटील, ग्रामपंचायत कर्मचारी मुकुंद पंडित, संजय पाडवी, विजय चित्ते, राहुल पाटील, गोपाळ भोई, अनिल सामुद्रे, प्रकाश ठाकरे आदी उपस्थित होते.

रांझणी

रांझणी, ता.तळोदा येथे शिवजयंतीनिमित्त शिवाजी चौकात युवकांकडून गडाची प्रतिकृती सजवण्यात आली होती. त्यावर छत्रपती शिवाजी महाराजांची प्रतिमा विराजमान करण्यात आली होती. या वेळी दिवसभर शिवरायांच्या शौर्याची गाथा, पोवाडे सुरू होते. त्यामुळे गावात चैतन्याचे वातावरण निर्माण झाले होते. दरम्यान युवकांकडून गल्लोगल्ली भगवे ध्वज लावण्यात आले होते तर गृहिणींकडून अंगणांमध्ये सडा टाकून रांगोळी काढण्यात आल्या होत्या. एकंदरीत पूर्ण गावच भगवामय झाले होते. दिवसभरातून ग्रामस्थ, युवक तसेच पंचक्रोशीतील ग्रामस्थांनी शिवराजांचे पूजन केले.

मोड

मोड, ता.तळोदा येथे आयोजित कार्यक्रमात शिवाजी महाराजांच्या प्रतिमेचे मान्यवरांच्या हस्ते पूजन करण्यात आले. या वेळी कोविड १९ च्या नियमांचे काटेकोरपणे पालन करण्यात आले. कार्यक्रमास पुरुषोत्तम चव्हाण, गुलाबसिंग गिरासे, प्रवीणसिंग राजपूत, सुधीर शिंदे, राहुल राजपूत, दिनेश ठाकरे, गौरव गिरासे, तन्मय मराठे, भावेश गिरासे, सागर मराठे, नितीन शिंदे, जयेश राजपूत, महेश नवले, हर्षल राजपूत, सौरभ लोहार, गणेश नवले, दीपक पवार, आनंदा राजपूत, हर्षल शिंपी, राहुल साळवे आदी उपस्थित होते.

सार्वजनिक वाचनालय, नंदुरबार

नंदुरबार शहरातील इंदूबाई गोसावी सार्वजनिक वाचनालयात छत्रपती शिवाजी महाराज जयंती साजरी करण्यात आली. अध्यक्षस्थानी प्रा.डॉ.एन.बी. गोसावी होते. प्रारंभी मान्यवरांच्या हस्ते प्रतिमा पूजन करण्यात आले. या वेळी अजय पाडवी, रवी गिरासे, सारंग गवळी, दीपेश मिस्तरी, शुभांगिनी गोसावी, भूपेश गोसावी, झुलेश गोसावी, सभासद व वाचक उपस्थित होते. सूत्रसंचालन ग्रंथपाल हेमंत कुकावलकर तर आभार देवेश तांबोळी यांनी मानले.