Nandurbar News | Latest Nandurbar News in Marathi | Nandurbar Local News Updates | ताज्यबातम्या नंदूरबार | नंदूरबार समाचार | Nandurbar Newspaper

०९३१४ बांद्रा भुसावळ खान्देश स्पेशल एक्स्प्रेस ७ मार्च २०२१ पासून मंगळवार, गुरुवार आणि रविवारी धावणार आहे. ही एक्स्प्रेस रात्री १२ वाजून २० मिनिटांनी बांद्रा येथून प्रस्थान करून नंदुरबार येथे सकाळी ८ वाजून ३३ मिनिटांनी आगमन करणार असून, ८ वाजून ३८ मिनिटांनी भुसावळकडे प्रस्थान करणार आहे. परतीच्या प्रवासाला ही एक्स्प्रेस त्याचदिवशी सायंकाळी ५ वाजून ४० मिनिटांनी भुसावळ येथून प्रस्थान करणार आहे, तर नंदुरबार येथे रात्री ८ वाजून ५५ मिनिटांनी आगमन करून रात्री ९ वाजता मुंबईच्या दिशेने प्रस्थान करणार आहे. ही एक्स्प्रेस संपूर्ण आरक्षित असून, एकूण १५ कोच असणार आहेत. प्रवाशांना आरक्षण करून प्रवास करता येणार आहे. या एक्स्प्रेसला दोन्ही बाजूनी बांद्रा, बोरिवली, विरार, पालघर, वलसाड, नवसारी, भेस्तान, बारडोली, नवापूर, नंदुरबार, दोंडाईचा, शिंदखेडा, नरडाणा, अमळनेर, धरणगाव, जळगाव, भुसावळ येथे थांबे असणार आहे.०९१२५ सुरत-अमरावती सुपरफास्ट द्विसाप्ताहिक एक्स्प्रेस २६ फेब्रुवारी २०२१ पासून शुक्रवार आणि रविवारी धावणार आहे. ही एक्स्प्रेस दुपारी १२ वाजून २०मिनिटांनी सुरत येथून प्रस्थान करून नंदुरबार येथे दुपारी २ वाजून ४६ मिनिटांनी आगमन करेल, तर २ वाजून ५१ मिनिटांनी अमरावतीच्या दिशेने प्रस्थान करेल, तर परतीच्या प्रवासाला ०९१२६ अमरावती-सुरत एक्स्प्रेस शनिवारी आणि सोमवारी दुपारी ४ वाजून ३२ मिनिटांनी नंदुरबार येथे आगमन करून दुपारी ४ वाजून ३७ मिनिटांनी सुरतकडे प्रस्थान करेल. ही एक्स्प्रेस संपूर्ण आरक्षित असून, दोन्ही बाजूने सुरत, उधना, व्यारा, नवापूर, नंदुरबार, दोंडाईचा, शिंदखेडा, नरडाणा, अमळनेर, धरणगाव, जळगाव, भुसावळ, मलकापूर, नांदुरा, शेगाव, अकोला, मूर्तिजापूर, बडनेरा, अमरावती येथे थांबणार आहे.व्यतिरिक्त पश्चिम रेल्वेने १ मार्च २०२१ पासून दररोज ०९४८३ अहमदाबाद बौरोनी एक्स्प्रेस चालवण्याचा निर्णय घेतला आहे. एक्स्प्रेसमुळे खांदेश भाग हा मध्यप्रदेशची राजधानी भोपाळ आणि पर्यटन स्थळ खजूराहोशी जोडला जाणार आहे. ही एक्स्प्रेस दररोज धावणार आहे.ही एक्स्प्रेस अहमदाबादवरून रात्री १२ वाजून २५ मिनिटांनी प्रस्थान करून सकाळी ८ वाजता नंदुरबार येथे आगमन, तर ८ वाजून १० भुसावळच्या दिशेने प्रस्थान करणार आहे. परतीच्या प्रवासाला ०९४८४ बौरोनी अहमदाबाद एक्स्प्रेस सकाळी ६ वाजता नंदुरबार येथे आगमन करून सकाळी ६ वाजून १० मिनिटांनी अहमदाबादच्या दिशेने प्रस्थान करेल. या एक्स्प्रेसला अहमदाबाद, आनंद, वडोदरा, सुरत, नंदुरबार, दोंडाईचा, अमळनेर, भुसावळ, खंडवा, इटारसी, हबीबगंज, बिना, छत्तरपूर, खजूराहो, चित्रकूट, माणिकपूर, प्रयागराज, प. दीनदयाळ उपाध्याय टर्मिनल, दानापूर, मुझ्झफरपूर, समस्तीपूर आणि बौरोनी येथे थांबे असणार आहेत, तर जळगाव येथील थांबा मात्र वगळण्यात आला आहे.०९०७७ नंदुरबार-भुसावळ पॅसेंजर नंदुरबारवरून दररोज दुपारी २ वाजून ३० मिनिटांनी प्रस्थान करेल, तर भुसावळ येथे सायंकाळी ७ वाजून २० मिनिटांनी आगमन करेल, तर परतीच्या प्रवासाला ०९०७८ भुसावळ नंदुरबार पॅसेंजर भुसावळवरून सकाळी ९ वाजता प्रस्थान करून दुपारी १ वाजून ४० मिनिटांनी नंदुरबार येथे आगमन करेल. ही पॅसेंजर पूर्णपणे आरक्षित असून, प्रवाशांना तिकीट आरक्षित करून प्रवास करता येणार आहे.पॅसेंजरला दोन्ही बाजूनी नंदुरबार, चौपाळे, तिसी, रनाळे, दोंडाईचा, विखरण, सिंदखेडा, होळ, नरडाणा, बेटावद, पाडसे, भोरटेक, अमळनेर, टाकरखेडे, धरणगाव, चावलखेडे, पाळधी, जळगाव, भुसावळ थांबे असणार आहे.०९००७ सुरत भुसावळ एक्स्प्रेस ही दररोज धावणार असून, सायंकाळी ५ वाजता सुरतवरून प्रस्थान करेल, तर नंदुरबार येथे रात्री ८ वाजून ५३ मिनिटांनी आगमन करेल आणि रात्री ९ वाजता भुसावळच्या दिशेने रवाना होईल. परतीच्या प्रवासाला ०९००८ भुसावळ सुरत एक्स्प्रेस भुसावळवरून रात्री ८ वाजून २०मिनिटांनी प्रस्थान करून रात्री १२ वाजून ५२ मिनिटांनी नंदुरबारला आगमन करेल, तर रात्री १२ वाजून ५७ मिनिटांनी सुरतकडे रवाना होईल. ही पॅसेंजर पूर्णपणे आरक्षित असून, प्रवाशांना तिकीट आरक्षित करून प्रवास करता येणार आहे. या एक्स्प्रेसला दोन्ही बाजूनी सुरत, उधना, चलथान, बगुमरा, गंगाधरा, बारडोली, मढी, व्यारा, सोनगड, नवापूर, खांडबारा, नंदुरबार, दोंडाईचा, शिंदखेडा, नरडाणा, अमळनेर, धरणगाव, जळगाव, भुसावळ थांबे असतील.

Nandurbar (Marathi News)