सोशल मिडियात आक्षेपार्ह पोस्ट व्हायरल; शहाद्यातील युवकास अटक

लोकमत न्यूज नेटवर्क
शहादा : फेसबुकवर आक्षेपार्ह पोस्ट व्हायरल करत एका समाजाच्या भावना दुखावल्याप्रकरणी शहाद्यातील युवकाविरोधात गुन्हा दाखल करुन अटक करण्यात आली आहे़ अटकेमुळे खळबळ उडाली असून युवकाने सीएएच्या विरोधातील रॅलीबाबत आक्षेपार्ह पोस्ट सोशल मिडियात व्हायरल केल्याची माहिती आहे़
शहादा शहरात गेल्या आठवड्यात सीएएचा विरोध व समर्थनार्थ दोन वेगवेगळे मोेर्चे गेल्या आठवड्यात काढण्यात आले होते़ दोन्ही रॅलीत मोठ्या संख्येने नागरिकांनी सहभाग नोंदवला होता़ दरम्यान शहरात सोशल मिडियात ग्रुप स्थापन करुन आक्षेपार्ह पोस्ट व्हायरल करुन एका समाजाच्या भावना दुखावला जात असल्याची तक्रार शहादा पोलीस ठाण्यात करण्यात आली होती़ यातून वसीम तेली यांनी शहादा पोलीस ठाण्यात फिर्याद दिल्यानंतर मुकेश ऊर्फ बंदी सुभाष सोनार याच्याविरोधात धार्मिक भावना दुखावणे व दंगा घडवून आणण्यासाठी चिथावणी दिल्याप्रकरणी गुन्हा दाखल करुन ताब्यात घेण्यात आले आहे़
मुकेश यास पोलीसांनी रविवारी तातडीने न्यायालयात हजर केले असता, तीन दिवसांची पोलीस कोठडी सुनावण्यात आली आहे़
शहरातील या घटनेमुळे अनुचित प्रकार घडू नयेत यासाठी पोलीस उपअधिक्षक पुंडलिक सपकाळे व पोलीस निरीक्षक ए़व्ही़पाटील यांनी उपाययोजना करत शांतता राखण्याचे कळवले आहे़