राष्ट्रवादीतर्फे जिल्हाभरात आंदोलन

नंदुरबार : इंधन दरवाढ आणि खतांच्या वाढणाऱ्या किमती याच्या निषेधार्थ राष्ट्रवादी काँग्रेसतर्फे जिल्हाभरात आंदोलन करण्यात आले. प्रशासनाला निवेदन देण्यात आले, तर काही ठिकाणी वाहनचालकांना गुलाबपुष्प देण्यात आले.

नंदुरबारात सकाळी तहसील कार्यालसमोर निषेध व्यक्त करण्यात आला. त्यानंतर, तहसीलदारांना निवेदन देण्यात आले. त्यात इंधन दरवाढीमुळे सर्वसामान्यांचे बजेट कोलमडले आहे. उज्ज्वला गॅस देण्यात आले, परंतु दुसरीकडे गॅस दर वाढविण्यात आले. अशीच स्थिती खतांच्या किमतीबाबत आहे. खतांच्या किमती दुप्पट करण्यात आल्या. आधीच उत्पादन खर्च व पिकाला मिळणारा भाव याचा ताळमेळ जमत नाही. असे असताना आता खतांच्या किमती दुप्पट करण्यात आल्याने शेतकरी हवालदिल झाल्याचे म्हटले आहे.

तहसीलदार भाऊसाहेब थोरात यांना निवेदन देण्यात आले. यावेळी जिल्हाध्यक्ष डॉ.अभिजीत मोरे, जिल्हा सरचिटणीस मधुकर पाटील, तालुकाध्यक्ष प्रदीप पाटील, नितीने जगताप यांच्यासह पदाधिकारी उपस्थित होते.

शहाद्यात गांधीगिरी

शहाद्यात तालुकाध्यक्ष माधवराव पाटील यांच्या नेतृत्वाखाली जाहीर निषेध नोंदवत, तहसीलदार डॉ.मिलिंद कुलकर्णी यांना निवेदन देण्यात आले. युवक राष्ट्रवादीतर्फे वाहनचालकांना गुलाबपुष्प देण्यात आले.

यावेळी तालुका राष्ट्रवादीचे अध्यक्ष अध्यक्ष माधवराव पंडित पाटील, जिल्हा उपाध्यक्ष शांतीलाल साळी, शहराध्यक्ष सुरेंद्र कुवर, नगरसेवक इक्बाल शेख, वाईदभाई, दानिश पठाण, दिनेश पाटील, सुदाम पाटील, शीतल मराठे, रेश्मा पवार, शोभा पाटील, ज्योती पाटील, रवींद्र तिरमले आदींसह कार्यकर्ते उपस्थित होते. युवक राष्ट्रवादीचे जिल्हाध्यक्ष सीताराम पावरा यांनी वाहनचालकांना गुलाबपुष्प देत, गांधीगिरी आंदोलन केले.

नवापुरात निवेदन

नवापुरात राष्ट्रवादी काँग्रेस अल्पसंख्याक आघाडी, युवक काँग्रेसतर्फे आंदोलन करण्यात आले. निवेदनावर राष्ट्रवादी काँग्रेस पक्षाचे जिल्हाउपाध्यक्ष अमृत लोहार, माजी सभापती विनायक गावीत, तालुका अध्यक्ष सुरेश कोकणी, न.पा विरोधी पक्षनेता नरेंद्र नगराळे, नगरसेवक खलील खाटीक, युवा तालुकाध्यक्ष धिरसिंग वळवी, सुनील वसावे, अल्पसंख्यांक तालुकाध्यक्ष इंद्रीस पठाण, आकाश राजेश गावित, शहराध्यक्ष राष्ट्रवादी काँग्रेस, माजी युवा तालुकाध्यक्ष मनोज वळवी, खेकडा गावाचे सरपंच नितेश गावीत, शरद पाटील, संजय शिंदे, काना आतारकर, शाहरूख मेमन, राहुल आगळे, नीलेश गावीत यांच्या सह्या आहेत.

धडगावातही आंदोलन

धडगाव येथे झालेल्या आंदोलनात तालुकाध्यक्ष रोहित पावरा, तालुका उपाध्यक्ष राकेश पराडके, आकाश पाडवी, मंगलसिंग पावरा, राहुल पावरा उपस्थित होते.