आदिवासी भागात राष्ट्रवादीचे संघटन आघाडीवर-चौधरी

नंदुरबार : राष्ट्रवादी सर्वच समाज घटकांना सोबत घेत असल्याने आदिवासी भागात पक्षाचे मजबूत फळी निर्माण होत आहे असा विश्वास गुजरातचे आदिवासी सेलचे प्रदेश महामंत्री मदन चौधरी यांनी व्यक्त केला.

नंदुरबार जिल्ह्याच्या सीमावर्ती भागातील गुजरातचा कुकरमुंडा, उच्छल, निझर परिसरात ग्रामपंचायत व नगर परिषदांच्या सार्वत्रिक निवडणुका होत आहेत. निवडणुकीत राष्ट्रवादी काँग्रेस पार्टीतर्फे अनेक उमेदवार निवडणुक लढवित असल्याने त्यांच्या प्रचार करण्यासाठी महामंत्री मदन चौधरी आले आहेत. त्यांनी शनिवारी दुपारी नंदुरबार येथील जिल्हा कार्यालयाला भेट दिली त्याप्रसंगी ते बोलत होते. प्रसंगी शहराध्यक्ष नितीन जगताप यांनी त्यांच्या सत्कार केला.

यावेळी आदिवासी सेलचे गुजरात प्रदेश महामंत्री मदन चौधरी म्हणाले, नंदुरबार जिल्ह्यात जिल्हाध्यक्ष डॉ. अभिजित मोरे यांच्या नेतृत्वाखाली राष्ट्रवादीचे चांगले कार्य सुरू आहे. गुजरात राज्यात पक्षाचे संघटन सुरू आहे. राष्ट्रीय अध्यक्ष,खा.शरद पवार व माजी मंत्री प्रफुल्ल पटेल यांच्या प्रेरणेने पक्षाचे कार्य गावागावात पोचविण्यासाठी प्रयत्न करीत असल्याचे त्यांनी सांगितले. यावेळी गुजरात राज्याच्या आदिवासी सेलच्या प्रदेश सदस्य गीता चौधरी,अनिस चौधरी, बाळा मोरे, जितेंद्र कोकणी,नीलेश चौधरी उपस्थित होते.

री

लोकमत न्यूज नेटवर्क

नंदुरबार : रा